മറ്റൊരു യുവതിക്കൊപ്പം പാർക്കിലെത്തിയ കാമുകൻ; പിന്നാലെ കാറിന്റെ ബോണറ്റിൽ കയറി യുവതി, ലഖ്‌നൗവിൽ നടക്കിയ രംഗങ്ങൾ | Woman Jumps on Car Bonnet

ലഖ്‌നൗ: മറ്റൊരു യുവതിക്കൊപ്പം പാർക്കിലെത്തിയ കാമുകനെ ചോദ്യം ചെയ്യാനെത്തിയ യുവതി കാറിന്റെ ബോണറ്റിൽ കയറിയ സംഭവത്തിന്റെ ദൃശ്യങ്ങൾ ലഖ്‌നൗവിൽ വൈറലാകുന്നു. ഗോമതി നഗറിലെ ജനേശ്വർ മിശ്ര പാർക്കിന് സമീപമാണ് സംഭവം. സംഭവത്തിൽ യുവതി പൊലീസിൽ പരാതി നൽകിയതായാണ് റിപ്പോർട്ട് (Woman Jumps on Car Bonnet). ഒരു സുഹൃത്തായ യുവതിക്കൊപ്പമാണ് യുവാവ് പാർക്കിലെത്തിയത്. വിവരമറിഞ്ഞ് സ്ഥലത്തെത്തിയ കാമുകി യുവാവുമായി സംസാരിക്കുകയും ഇരുവരും തമ്മിൽ തർക്കമുണ്ടാകുകയും ചെയ്തു. പിന്നാലെ യുവാവ് കാറിൽ കയറി സ്ഥലത്തുനിന്ന് പോകാൻ ശ്രമിക്കുകയായിരുന്നു.

ഇതിനിടെ യുവതി കാറിന്റെ മുന്നിൽ കയറി ബോണറ്റിന് മുകളിൽ കിടന്ന് വാഹനം നിർത്താൻ ആവശ്യപ്പെടുകയായിരുന്നു. കാറിന്റെ ബോണറ്റിൽ കൈകൊണ്ട് അടിച്ചുകൊണ്ട് യുവതി യുവാവിനോട് സംസാരിക്കുന്നതും വാഹനം നിർത്താൻ ആവശ്യപ്പെടുന്നതും വീഡിയോയിൽ കാണാം. വാഹനം പതുക്കെ മുന്നോട്ടെടുത്തപ്പോഴും യുവതി ബോണറ്റിൽ തന്നെ തുടരുകയായിരുന്നു. കുറച്ച് സമയത്തിന് ശേഷം ഡ്രൈവർ വേഗം കൂട്ടിയതോടെ യുവതി കാറിന്റെ മുൻഭാഗത്തുനിന്ന് താഴേക്ക് വീണു. തുടർന്ന് കാർ നിർത്താതെ യുവാവ് സ്ഥലത്തുനിന്ന് കടന്നുകളഞ്ഞതായാണ് റിപ്പോർട്ട്. സംഭവത്തെ തുടർന്ന് യുവതിയുടെ ഭാഗത്തുനിന്ന് പൊലീസിൽ ഔദ്യോഗിക പരാതി നൽകിയിട്ടുണ്ട്. കാറിന്റെ രജിസ്ട്രേഷൻ നമ്പർ കേന്ദ്രീകരിച്ചാണ് പ്രതിയെ കണ്ടെത്താനുള്ള പൊലീസ് അന്വേഷണം പുരോഗമിക്കുന്നത്. സംഭവത്തിന്റെ കൂടുതൽ വിവരങ്ങൾ പൊലീസ് പുറത്തുവിട്ടിട്ടില്ല.

Summary: A woman in Lucknow reportedly confronted her boyfriend after finding him at Janeshwar Mishra Park with another woman. When he tried to drive away, she climbed onto the car bonnet and demanded that he stop, with the incident captured on video.