വിപണിയിൽ ആശ്വാസ മുന്നേറ്റം: അന്താരാഷ്ട്ര വിപണിയിൽ ക്രൂഡ് ഓയിൽ വില കുറഞ്ഞതും ആഗോള വിപണിയിലെ ഉണർവും ഇന്ത്യൻ ഓഹരി സൂചികകൾക്ക് തുണയായി; സെൻസെക്സ് 162 പോയിന്റും നിഫ്റ്റി 43 പോയിന്റും ഉയർന്നു; എയർടെൽ, എച്ച്.ഡി.എഫ്.സി ബാങ്ക് ഓഹരികൾ നേട്ടത്തിൽ; ബോർഡ് റൂം തർക്കങ്ങളെ തുടർന്ന് ടാറ്റാ ഗ്രൂപ്പ് ഓഹരികൾക്ക് തിരിച്ചടി
Current: മലയാളം
മുംബൈ: അന്താരാഷ്ട്ര വിപണിയില്‍ ക്രൂഡ് ഓയില്‍ വില കുറഞ്ഞതും ആഗോള ഓഹരി വിപണികളിലുണ്ടായ ഉണര്‍വും പിന്‍പറ്റി ആഭ്യന്തര ബെഞ്ച്മാര്‍ക്ക് സൂചികകളായ സെന്‍സെക്‌സും നിഫ്റ്റിയും വെള്ളിയാഴ്ച വെള്ളിയാഴ്ച തുടക്കവ്യാപാരത്തില്‍ മുന്നേറ്റം നടത്തി.
ബി.എസ്.ഇ സെന്‍സെക്‌സ് 162.87 പോയിന്റ് ഉയര്‍ന്ന് 74,483.56 ലും എന്‍.എസ്.ഇ നിഫ്റ്റി 43.90 പോയിന്റ് ഉയര്‍ന്ന് 23,315.25 ലും വ്യാപാരം ആരംഭിച്ചു.
സെന്‍സെക്‌സ് ക്രമത്തിലെ പ്രധാന കമ്പനികളായ ഭാരതി എയര്‍ടെല്‍, എറ്റേണല്‍, ലാര്‍സന്‍ ആന്‍ഡ് ടുബ്രോ, ഇന്റര്‍ഗ്ലോബ് ഏവിയേഷന്‍, എച്ച്.ഡി.എഫ്.സി ബാങ്ക്, അദാനി പോര്‍ട്ട്‌സ് എന്നിവ മികച്ച നേട്ടമുണ്ടാക്കിയപ്പോള്‍ ടി.സി.എസ്, ടെക് മഹിന്ദ്ര, ടാറ്റാ സ്റ്റീല്‍, എച്ച്.സി.എല്‍ ടെക്, ഇന്‍ഫോസിസ് എന്നീ ഐ.ടി, ലോഹ ഓഹരികള്‍ നഷ്ടത്തിലായി.
അന്താരാഷ്ട്ര വിപണിയില്‍ ബ്രെന്റ് ക്രൂഡ് ഓയില്‍ വില 0.93 ശതമാനം ഇടിഞ്ഞ് ബാരലിന് 103.8 ഡോളറിലെത്തിയത് വിപണിക്ക് അനുകൂല ഘടകമായി.
ഏഷ്യന്‍ വിപണികളായ സൗത്ത് കൊറിയന്‍ കോസ്പി, ജപ്പാനിലെ നിക്കേ, ഷാങ്ഹായ്, ഹോങ്കോംഗ് ഹാംഗ് സെങ് എന്നിവയും യു.എസ് വിപണികളും നേട്ടത്തിലാണ് വ്യാപാരം അവസാനിപ്പിച്ചത്.
വാള്‍സ്ട്രീറ്റിലെ ശക്തമായ തിരിച്ചുവരവ് ആഗോള സൂചനകള്‍ അനുകൂലമാക്കിയെങ്കിലും, യു.എസ് ഫെഡറല്‍ റിസര്‍വിന്റെ കര്‍ശന നിലപാടുകള്‍ വിപണിയില്‍ ഇപ്പോഴും ജാഗ്രത നിലനിര്‍ത്തുന്നുണ്ട്.
അതിനിടെ, ടാറ്റാ സണ്‍സ് എക്‌സിക്യൂട്ടീവ് ചെയര്‍മാനായി എന്‍. ചന്ദ്രശേഖരനെ വീണ്ടും തിരഞ്ഞെടുത്ത നടപടി ടാറ്റാ ട്രസ്റ്റ് തള്ളിയതിനെ തുടര്‍ന്നുണ്ടായ ബോര്‍ഡ് റൂം തര്‍ക്കങ്ങള്‍ ടാറ്റാ ഗ്രൂപ്പ് ഓഹരികളെ പ്രതികൂലമായി ബാധിച്ചു.
ടി.സി.എസ് ഓഹരികള്‍ മൂന്ന് ശതമാനത്തോളം ഇടിഞ്ഞു. കഴിഞ്ഞ ദിവസം വിദേശ നിക്ഷേപകര്‍ 3,208.76 കോടി രൂപയുടെ ആഭ്യന്തര ഓഹരികള്‍ വിറ്റഴിച്ചിരുന്നു.
