മുഖം കോടി പോകുന്നത് നിസാരമാക്കരുതേ…

മുഖം പെട്ടെന്ന് ഒരു വശത്തേക്ക് കോടിപ്പോകുന്നത് സ്ട്രോക്ക് (Stroke/പക്ഷാഘാതം) അല്ലെങ്കിൽ ബെൽസ് പാൾസി (Bell’s Palsy) പോലുള്ള ഗുരുതരമായ നാഡീസംബന്ധമായ പ്രശ്നങ്ങളുടെ പ്രധാന ലക്ഷണമാണ്. ഇത് കണ്ടാലുടൻ അടിയന്തരമായി വൈദ്യസഹായം തേടണം.

സ്ട്രോക്ക് : തലച്ചോറിലേക്കുള്ള രക്തയോട്ടം തടസ്സപ്പെടുകയോ രക്തക്കുഴൽ പൊട്ടുകയോ ചെയ്യുമ്പോൾ മുഖം കോടിപ്പോകാം. ഇത് അടിയന്തിരമായി ചികിത്സിക്കേണ്ട അവസ്ഥയാണ്

ബെൽസ് പാൾസി: മുഖത്തെ പേശികളെ നിയന്ത്രിക്കുന്ന ഫേഷ്യൽ നാഡിയിലുണ്ടാകുന്ന വീക്കം കാരണം മുഖത്തിന്റെ ഒരു വശം തളർന്നുപോകുന്ന അവസ്ഥയാണിത്. 

വൈറസ് അണുബാധകൾ ഇതിന് കാരണമാകാറുണ്ട്.