മിഡിൽ ഈസ്റ്റ് യുദ്ധത്തിൽ യുഎസ് ചെലവ് സെപ്റ്റംബർ 3 വരെ $43.6 ബില്യൺ

ഇറാൻ യുദ്ധത്തിൽ യുഎസ് സെപ്റ്റംബർ 3 വരെ $43.6 ബില്യൺ ചെലവഴിച്ചെന്നു മിഡിൽ ഈസ്റ്റിലെ സൈനിക മേൽനോട്ടം വഹിക്കുന്ന സെൻട്രൽ കമാൻഡ് പുതുക്കിയ കണക്കുകളിൽ പറഞ്ഞു. മിഡിൽ ഈസ്റ്റിൽ യുഎസ് താവളങ്ങൾക്കുണ്ടായ നാശനഷ്ടങ്ങൾ യുഎസ് കോൺഗ്രസിനു സമർപ്പിച്ച ഈ കണക്കിൽ ഉൾപ്പെടുത്തിയിട്ടില്ല.

യുദ്ധത്തിന് ഉപയോഗിച്ച പടക്കോപ്പുകൾക്കാണ് ഏറ്റവുമധികം പണം ചെലവായതെന്നു റിപ്പോർട്ട് പറയുന്നു — പകുതിയിലധികം. മിസൈൽ പ്രതിരോധ സംവിധാനത്തിനാണ് കനത്ത വില നൽകേണ്ടി വന്നത്.

പേട്രിയറ്റ്, ഥാഡ് സംവിധാനങ്ങൾ അതിൽ ഉൾപ്പെടുന്നു.ഓഗസ്റ്റ് 1 വരെ $38 ബില്യൺ ചെലവായെന്നു കോൺഗ്രസ് ബജറ്റ് ഓഫിസ് നേരത്തെ പറഞ്ഞിരുന്നു.