അട്ടപ്പാടിയിൽ കാട്ടാന ആക്രമണം; ഗുരുതരമായി പരിക്കേറ്റ സ്ത്രീ മരിച്ചു | Attappady elephant attack

പാലക്കാട്: അട്ടപ്പാടിയിൽ കാട്ടാനയുടെ ആക്രമണത്തിൽ ഗുരുതരമായി പരിക്കേറ്റ സ്ത്രീ മരിച്ചു (Attappady elephant attack). മണ്ണാർക്കാട് സ്വദേശിനി ബുഷാര (52) ആണ് മരിച്ചത്.

ഭവാനിപ്പുഴയിൽ ഇറങ്ങിയവർക്കുനേരെയാണ് കാട്ടാനയുടെ ആക്രമണമുണ്ടായതെന്നാണ് വിവരം. അപകട മുന്നറിയിപ്പ് അവഗണിച്ചാണ് ഇവർ പുഴയിലിറങ്ങിയതെന്നും റിപ്പോർട്ടുണ്ട്.

അട്ടപ്പാടി മേഖലയിൽ കാട്ടാന ശല്യം തുടരുന്നതിനിടെയാണ് സംഭവം. ജനവാസ മേഖലകളിലും വനാതിർത്തിയോട് ചേർന്ന പ്രദേശങ്ങളിലും കാട്ടാനകളുടെ സാന്നിധ്യം പതിവാകുന്നത് പ്രദേശവാസികളിൽ ആശങ്ക വർധിപ്പിക്കുന്നുണ്ട്.

Story Summary:
A 52-year-old woman from Mannarkkad, identified as Bushara, died after sustaining serious injuries in a wild elephant attack in Attappady, Palakkad. The incident reportedly occurred after people entered the Bhavani River despite an alert warning.