Skip to content
November 19, 2026
⌕

ഡൽഹിയിൽ പതിനേഴുകാരി തോക്കിൻമുനയിൽ കൂട്ടബലാത്സംഗത്തിനിരയായ സംഭവത്തിൽ ഞെട്ടിക്കുന്ന വെളിപ്പെടുത്തൽ: കേസിലെ മുഖ്യപ്രതി മുൻപും കത്തിയുമായി പാർക്കിലെത്തി ജോഡികളെ ശല്യം ചെയ്തിരുന്നതായി വെളിപ്പെടുത്തി നാട്ടുകാർ; പോലീസെന്ന വ്യാജേന ഭീഷണിപ്പെടുത്തി പെൺകുട്ടിയെ ക്രൂരമായി പീഡിപ്പിച്ചത് മുൻകൂട്ടി ആസൂത്രണം ചെയ്തെന്ന് സംശയം

September 24, 2026
Share this post to

ഡല്‍ഹി: ഡല്‍ഹിയിലെ കാല്‍ക്കാജി ക്ഷേത്രത്തിന് സമീപമുള്ള 142 ഏക്കര്‍ വിസ്തൃതിയുള്ള ആസ്ഥ കുഞ്ച് പാര്‍ക്കില്‍ പതിനേഴുകാരി തോക്കിന്‍മുനയില്‍ കൂട്ടബലാത്സംഗത്തിനിരയായ സംഭവത്തില്‍ ഞെട്ടിക്കുന്ന വിവരങ്ങള്‍ പുറത്ത്. 


കേസിലെ മുഖ്യപ്രതിയായ ആസിഫ് (30) മുന്‍പും പാര്‍ക്കില്‍ കത്തിയുമായി എത്തി പ്രണയജോഡികളെ ശല്യം ചെയ്തിരുന്നതായി പ്രദേശവാസികളും പാര്‍ക്ക് ജീവനക്കാരും വ്യക്തമാക്കി. 


വേണ്ടത്ര പെട്രോളിംഗും സുരക്ഷാ സംവിധാനങ്ങളും ഇല്ലാത്തതാണ് കുറ്റവാളികള്‍ക്ക് താവളമൊരുക്കിയതെന്ന് ആരോപണമുണ്ട്. വിക്രം സിംഗിന്റെ മക്കളായ മുകേഷ് സിംഗ് (24), ഹേമന്ത് സിംഗ് (31) എന്നിവരാണ് കേസില്‍ അറസ്റ്റിലായ മറ്റ് പ്രതികള്‍.

പതിനേഴാം ജന്മദിനത്തില്‍ സുഹൃത്തിനൊപ്പം പാര്‍ക്ക് സന്ദര്‍ശിക്കാനെത്തിയ പ്ലസ് വണ്‍ വിദ്യാര്‍ത്ഥിനിയെയാണ് പ്രതികള്‍ ഭീഷണിപ്പെടുത്തി ക്രൂരമായി പീഡിപ്പിച്ചത്. വ്യാജ പോലീസെന്ന വ്യാജേനയെത്തിയ സംഘം തോക്കും കത്തിയുമുപയോഗിച്ച് ഭീഷണിപ്പെടുത്തുകയായിരുന്നു. 


മുന്‍കൂട്ടി പ്ലാന്‍ ചെയ്താണ് പ്രതികള്‍ ആയുധങ്ങളുമായി പാര്‍ക്കിലെത്തിയതെന്ന് പോലീസ് പറഞ്ഞു. സംഭവത്തിന് ശേഷം രക്ഷപ്പെടാന്‍ ശ്രമിച്ച ആസിഫിനെ ഏറ്റുമുട്ടലിലൂടെയാണ് പോലീസ് പിടികൂടിയത്. 


മറ്റ് രണ്ട് പ്രതികള്‍ വീട്ടിലെത്തി വസ്ത്രങ്ങള്‍ കഴുകി തെളിവ് നശിപ്പിക്കാന്‍ ശ്രമിച്ചെങ്കിലും പുലര്‍ച്ചെയോടെ പോലീസ് വലയിലായി. പ്രതികളുടെ ഫോണില്‍ നിന്നും പ്രതിഷേധാര്‍ഹമായ ഉള്ളടക്കങ്ങള്‍ കണ്ടെത്തിയിട്ടുണ്ട്. സംഭവത്തില്‍ വിശദമായ അന്വേഷണം നടന്നുവരികയാണെന്ന് പോലീസ് അറിയിച്ചു.

 

Get more updates from Pudukad News on Google