മാന്നാറിൽ കാണാതായ 82കാരനെ മരിച്ച നിലയിൽ കണ്ടെത്തി | Mannar Missing Elderly Man

മാന്നാർ: ആലപ്പുഴ മാന്നാറിൽ കാണാതായ വയോധികനെ വീടിന് സമീപത്തെ ആളൊഴിഞ്ഞ പുരയിടത്തിൽ മരിച്ച നിലയിൽ കണ്ടെത്തി (Mannar Missing Elderly Man). ചെന്നിത്തല ചെറുകോൽ ആറ്റുകടവിൽ ഗോപി (82) ആണ് മരിച്ചത്.

ശനിയാഴ്ച ഉച്ചയോടെ വീട്ടിൽ നിന്ന് പുറത്തുപോയ ഗോപിയെ രാത്രിയായിട്ടും കാണാതായതിനെ തുടർന്ന് ബന്ധുക്കൾ മാന്നാർ പൊലീസിൽ പരാതി നൽകിയിരുന്നു.

ഞായറാഴ്ച രാവിലെ ബന്ധുക്കളും നാട്ടുകാരും ചേർന്ന് പ്രദേശത്തെ സിസിടിവി ദൃശ്യങ്ങൾ പരിശോധിച്ച് നടത്തിയ അന്വേഷണത്തിലാണ് വീടിന് സമീപത്തെ പുരയിടത്തിൽ മൃതദേഹം കണ്ടെത്തിയത്. സിസിടിവിയിൽ ലഭിച്ച വിവരങ്ങളുടെ അടിസ്ഥാനത്തിലായിരുന്നു തുടർന്നുള്ള തിരച്ചിൽ.

മരണകാരണം വ്യക്തമല്ല. മൃതദേഹം പോസ്റ്റ്മോർട്ടത്തിനായി വണ്ടാനം മെഡിക്കൽ കോളേജ് ആശുപത്രിയിലേക്ക് മാറ്റി. സംഭവത്തിൽ പൊലീസ് തുടർനടപടികൾ സ്വീകരിച്ചുവരികയാണ്.

Story Summary:
An 82-year-old man who went missing from his home in Mannar, Alappuzha, was found dead in an unoccupied property near his house. Relatives and local residents traced CCTV footage and located the body during a search on Sunday morning.