അമിത് ഷായ്ക്ക് നേരെയുള്ള കരിങ്കൊടി: ഗവർണറെ കണ്ട് നിവേദനം നൽകി BJP നേതാക്കൾ; മന്ത്രി OJ ജനീഷ് സത്യപ്രതിജ്ഞാ ലംഘനം നടത്തിയെന്ന് വാദം | BJP Meets Governor

കോട്ടയം: കൊല്ലത്ത് കേന്ദ്ര ആഭ്യന്തര മന്ത്രി അമിത് ഷായ്ക്ക് നേരെ യൂത്ത് കോൺഗ്രസ് പ്രവർത്തകർ കരിങ്കൊടി കാണിച്ച സംഭവത്തിൽ രൂക്ഷമായ സുരക്ഷാവീഴ്ച ചൂണ്ടിക്കാട്ടി ബി.ജെ.പി പ്രതിനിധി സംഘം ഗവർണർ രാജേന്ദ്ര ആർലേക്കറെ കണ്ടു. പാലായിൽ വെച്ച് നടന്ന കൂടിക്കാഴ്ചയിൽ ബി.ജെ.പി നേതാക്കളായ പി.കെ. കൃഷ്ണദാസ്, എസ്. സുരേഷ്, ഷോൺ ജോർജ്ജ് എന്നിവർ ഗവർണർക്ക് നേരിട്ട് നിവേദനം സമർപ്പിച്ചു.(BJP Meets Governor Rajendra Arlekar Over Amit Shah Security Lapse Demand Action Against Minister OJ Janeesh)

ബി.ജെ.പി സംസ്ഥാന അധ്യക്ഷൻ രാജീവ് ചന്ദ്രശേഖറിന്റെ പേരിലാണ് പരാതി നൽകിയിരിക്കുന്നത്.മന്ത്രി ഒ.ജെ. ജനീഷ് സത്യപ്രതിജ്ഞാ ലംഘനം നടത്തിയെന്നും പി.കെ. കൃഷ്ണദാസ് മാധ്യമങ്ങളോട് പറഞ്ഞു. അദ്ദേഹത്തെ മന്ത്രിസഭയിൽ നിന്ന് പുറത്താക്കാൻ ഗവർണർ നടപടി സ്വീകരിക്കണമെന്ന് ബി.ജെ.പി ആവശ്യപ്പെട്ടു. വിഷയത്തിൽ ഭരണഘടനാപരമായ നടപടികൾ സ്വീകരിക്കാമെന്ന് ഗവർണർ ഉറപ്പുനൽകിയതായും കൃഷ്ണദാസ് വ്യക്തമാക്കി.

Story Summary

A BJP delegation led by PK Krishnadas met Kerala Governor Rajendra Arlekar regarding the security lapse during Union Home Minister Amit Shah’s visit to Kollam. The delegation submitted a complaint on behalf of BJP State President Rajeev Chandrasekhar, demanding the removal of Minister OJ Janeesh for his alleged involvement in the protest.