‘കായികതാരങ്ങളുടെ കഠിനാധ്വാനവും വൈദഗ്ധ്യവും ദൃഢനിശ്ചയവും രാജ്യത്തിന് വലിയ ആദരവ് നേടിത്തന്നിരിക്കുന്നു’: രാഷ്ട്രപതി ദ്രൗപദി മുർമു | President Droupadi Murmu

ന്യൂഡൽഹി: ജപ്പാനിലെ ഐച്ചി-നാഗോയയിൽ സമാപിച്ച 2026 ഏഷ്യൻ ഗെയിംസിൽ ഉജ്ജ്വല പ്രകടനം കാഴ്ചവെച്ച ഇന്ത്യൻ കായികതാരങ്ങളെയും മെഡൽ വിജയികളെയും അഭിനന്ദിച്ച് രാഷ്ട്രപതി ദ്രൗപദി മുർമു. ഭാരതത്തെ പ്രതിനിധീകരിച്ച് അർപ്പണബോധത്തോടും കഠിനാധ്വാനത്തോടും കൂടി പോരാടിയ ഓരോ കായികതാരത്തിലും രാജ്യം അഭിമാനിക്കുന്നുവെന്ന് രാഷ്ട്രപതി പറഞ്ഞു.(President Droupadi Murmu Congratulates Indian Athletes On Asian Games 2026 Performance)

“മെഡൽ ജേതാക്കൾക്ക്, പ്രത്യേകിച്ച് മികച്ച പ്രകടനം പുറത്തെടുത്ത വനിതാ താരങ്ങൾക്ക് എൻ്റെ ഹൃദയം നിറഞ്ഞ അഭിനന്ദനങ്ങൾ. കായികതാരങ്ങളുടെ കഠിനാധ്വാനവും വൈദഗ്ധ്യവും ദൃഢനിശ്ചയവും രാജ്യത്തിന് വലിയ ആദരവ് നേടിത്തന്നിരിക്കുന്നു” – രാഷ്ട്രപതി എക്സിൽ കുറിച്ചു.

കായികതാരങ്ങളുടെ ഭാവി മത്സരങ്ങൾക്കും കരിയറിലെ തുടർ വിജയങ്ങൾക്കും രാഷ്ട്രപതി ആശംസകൾ നേർന്നു. സെപ്റ്റംബർ 19-ന് ആരംഭിച്ച ഏഷ്യൻ ഗെയിംസിന് ഞായറാഴ്ചയാണ് സമാപനമായത്. 21 സ്വർണ്ണവും 27 വെള്ളിയും 37 വെങ്കലവുമടക്കം ആകെ 85 മെഡലുകളുമായി മെഡൽ പട്ടികയിൽ നാലാം സ്ഥാനത്താണ് ഇന്ത്യ ടൂർണമെന്റ് അവസാനിപ്പിച്ചത്.

Story Summary

President Droupadi Murmu congratulated Indian athletes on their outstanding performance at the 2026 Aichi-Nagoya Asian Games in Japan. Expressing immense pride in the contingent, especially highlighting the impressive display by women athletes, she praised their dedication as India finished fourth in the medal tally with 85 medals, including 21 golds.