സൗദിയിലെ നജ്‌റാനിൽ ഹെലികോപ്റ്റർ തകർന്നു വീണു: 2 സൈനിക ഉദ്യോഗസ്ഥർ കൊല്ലപ്പെട്ടു | Saudi Military Helicopter Crash
Current: മലയാളം
റിയാദ്: സൗദി അറേബ്യയിലെ ദക്ഷിണ നജ്‌റാൻ പ്രവിശ്യയിൽ നിരീക്ഷണ ഹെലികോപ്റ്റർ തകർന്നു വീണ് രണ്ട് സൈനിക ഉദ്യോഗസ്ഥർ കൊല്ലപ്പെട്ടു. സാങ്കേതിക തകരാറാണ് അപകടത്തിന് കാരണമെന്ന് സൗദി നയിക്കുന്ന സഖ്യസേന സ്ഥിരീകരിച്ചു.(Saudi Military Helicopter Crash Najran Technical Malfunction Kills Two Officers)
സൗദി അറേബ്യ നാഷണൽ ഗാർഡ് മന്ത്രാലയത്തിന്റെ ഉടമസ്ഥതയിലുള്ള AH-6i നിരീക്ഷണ ഹെലികോപ്റ്ററാണ് സൗദി അതിർത്തിക്കുള്ളിൽ അപകടത്തിൽപ്പെട്ടതെന്ന് സഖ്യസേനാ വക്താവ് മേജർ ജനറൽ തുർക്കി അൽ മാലിക്കി ഔദ്യോഗിക പ്രസ്താവനയിൽ വ്യക്തമാക്കി. വിമാനത്തിലുണ്ടായിരുന്ന രണ്ട് ഉദ്യോഗസ്ഥരും അപകടത്തിൽ വീരമൃത്യു വരിച്ചതായി അദ്ദേഹം സ്ഥിരീകരിച്ചു.
കൊല്ലപ്പെട്ട ഉദ്യോഗസ്ഥരുടെ പേരുവിവരങ്ങളോ അപകടത്തെക്കുറിച്ചുള്ള കൂടുതൽ വിശദാംശങ്ങളോ സഖ്യസേന പുറത്തുവിട്ടിട്ടില്ല. അപകടത്തിൽ സഖ്യസേന വക്താവ് അനുശോചനം രേഖപ്പെടുത്തുകയും വേർപാടിൽ ഖേദം പ്രകടിപ്പിക്കുകയും ചെയ്തു.
Story Summary
Two Saudi military officers were killed when a National Guard AH-6i reconnaissance helicopter crashed in the Najran region due to a technical malfunction. Coalition spokesman Major General Turki Al-Maliki confirmed the incident and expressed deep condolences to the families of the deceased officers.
