ചൈനയിൽ 12-ാം നിലയിലെ ഗ്രില്ലിൽ 3 വയസുകാരിയുടെ തല കുടുങ്ങി: അത്ഭുതകരമായി രക്ഷപ്പെടുത്തി അയൽവാസികളും സുരക്ഷാ ജീവനക്കാരും | China Toddler Rescued

ബെയ്ജിംഗ്: ചൈനയിലെ ഫുജിയാൻ പ്രവിശ്യയിൽ 12-ാം നിലയിലെ ഫ്ലാറ്റിന്റെ ജനൽക്കമ്പിയിൽ തലകുടുങ്ങി തൂങ്ങിനിന്ന മൂന്ന് വയസ്സുകാരിയെ നാട്ടുകാരും സുരക്ഷാ ജീവനക്കാരും ചേര്‍ന്ന് ജീവൻ പണയം വെച്ച് രക്ഷപ്പെടുത്തി. സാങ്പിംഗ് സിറ്റിയിലെ ഒരു റസിഡൻഷ്യൽ സമുച്ചയത്തിൽ ഒക്ടോബർ 17-ന് രാവിലെയാണ് നാടകീയ സംഭവങ്ങൾ അരങ്ങേറിയത്.(China Toddler Rescued From 12th Floor Window Grill)

太惊险了爸爸去上班，妈妈早起去买菜，一岁多的孩子被挂16楼阳台。

后续被众人合力救下 https://t.co/2cMDzwVuIc

— 小牛 (@Xiaoniu6161) October 17, 2026

കുട്ടിയുടെ പിതാവ് ജോലിക്കും മാതാവ് സാധനങ്ങൾ വാങ്ങാനായി പുറത്തുപോയ സമയത്തുമായിരുന്നു അപകടം. ഉറങ്ങിക്കിടന്ന കുട്ടി ഉണർന്ന ശേഷം ഗ്രില്ലിലൂടെ പുറത്തേക്ക് ഇറങ്ങാൻ ശ്രമിക്കവെ തല കമ്പികൾക്കിടയിൽ കുടുങ്ങി പുറത്തേക്ക് തൂങ്ങിനിൽക്കുകയായിരുന്നു. ഇത് ശ്രദ്ധയിൽപ്പെട്ട അയൽവാസി റസിഡൻഷ്യൽ വാട്സ്ആപ്പ് ഗ്രൂപ്പിൽ ചിത്രം പങ്കുവെച്ച് സഹായം അഭ്യർത്ഥിക്കുകയായിരുന്നു. ഉടൻതന്നെ ഫ്ലാറ്റിലെ സെക്യൂരിറ്റി ജീവനക്കാരും സമീപവാസികളും തൊട്ടുതാഴത്തെ നിലയിലെ അപ്പാർട്ട്മെന്റിൽ കയറി ജനലിലൂടെ പുറത്തേക്ക് ആഞ്ഞുനിന്ന് ഒരു സ്റ്റൂൾ ഉപയോഗിച്ച് കുട്ടിയുടെ പാദങ്ങൾക്ക് താങ്ങ് നൽകി നിർത്തി.

തുടർന്ന് ഫയർഫോഴ്സ് സംഘം സ്ഥലത്തെത്തി ഫ്ലാറ്റിന്റെ വാതിൽ തകർത്ത് അകത്തുകയറിയാണ് കുട്ടിയെ ജനൽക്കമ്പിയിൽ നിന്ന് സുരക്ഷിതമായി പുറത്തെടുത്തത്. നിസ്സാര പരിക്കുകൾ പോലുമേൽക്കാതെ രക്ഷപ്പെട്ട കുട്ടിയെ പിന്നീട് കൂടുതൽ പരിശോധനകൾക്കായി ആശുപത്രിയിലേക്ക് മാറ്റി.

Story Summary

A three-year-old girl was dramatically rescued after dangling outside a 12th-floor apartment in Fujian, China, with her head trapped in a window safety grille. Alert neighbours and building security personnel used a stool from the window below to support her body until firefighters arrived and safely freed the uninjured child.