പേശി വളർച്ചയ്ക്ക് താറാവ് ഇറച്ചി

താറാവ് ഇറച്ചിക്ക് നിരവധി ആരോഗ്യഗുണങ്ങളുണ്ട്. പേശികളുടെ വളർച്ചയ്ക്കും സംരക്ഷണത്തിനും ശരീരത്തിന്റെ ടിഷ്യൂകളുടെ പുനരുജ്ജീവനത്തിനും ആവശ്യമായ ഉയർന്ന നിലവാരമുള്ള പ്രോട്ടീൻ ഇതിൽ അടങ്ങിയിരിക്കുന്നു. ശരീരത്തിൽ ഹീമോഗ്ലോബിൻ ഉത്പാദിപ്പിക്കുന്നതിനും വിളർച്ച തടയുന്നതിനും ആവശ്യമായ ഇരുമ്പ് ഇതിൽ ധാരാളമുണ്ട്.

 ഊർജ്ജം മെത്സബലൈസ് ചെയ്യുന്നതിനും നാഡികളുടെ പ്രവർത്തനത്തിനും സഹായിക്കുന്ന നിയാസിൻ (B3), വിറ്റാമിൻ B12 തുടങ്ങിയ ബി-കോംപ്ലക്സ് വിറ്റാമിനുകൾ ഇതിൽ അടങ്ങിയിരിക്കുന്നു. ശരീരത്തിലെ നീർക്കെട്ട് കുറയ്ക്കാനും പ്രതിരോധശേഷി വർദ്ധിപ്പിക്കാനും സഹായിക്കുന്ന ‘സെലീനിയം’ എന്ന ഖനിജം താറാവ് ഇറച്ചിയിൽ അടങ്ങിയിട്ടുണ്ട്. ഹൃദയാരോഗ്യത്തിന് സഹായിക്കുന്ന ഒമേഗ-3, ഒമേഗ-6 കൊഴുപ്പുകൾ ഇതിൽ ചെറിയ അളവിൽ അടങ്ങിയിട്ടുണ്ട്.