കോഴിക്കോട്ട് ആംബുലൻസിൽ ബൈക്കിടിച്ച് അപകടം: യുവാവിന് ദാരുണാന്ത്യം, രോഗി ഉൾപ്പെടെ 3 പേർക്ക് പരിക്ക് | Youth Dies

കോഴിക്കോട്: തിരുവമ്പാടിയിൽ ആംബുലൻസും ബൈക്കും കൂട്ടിയിടിച്ച് യുവാവ് മരിച്ചു. പുതുപ്പാടി സ്വദേശി സുബൈർ ആണ് അപകടത്തിൽ ദാരുണമായി കൊല്ലപ്പെട്ടത്. പുലർച്ചെ നാല് മണിയോടെയായിരുന്നു അപകടം നടന്നത്.(Youth Dies In Fatal Bike And Ambulance Collision At Thiruvambady In Kozhikode)

ഇടിയുടെ ആഘാതത്തിൽ നിയന്ത്രണം വിട്ട ആംബുലൻസ് സമീപത്തെ റോഡരികിലെ പോസ്റ്റിലേക്ക് ഇടിച്ചുകയറി. അപകടത്തിൽ ആംബുലൻസ് ഡ്രൈവർ, നഴ്സ്, ആംബുലൻസിലുണ്ടായിരുന്ന രോഗി എന്നിവർക്ക് പരിക്കേറ്റു.

ബൈക്ക് പൂർണ്ണമായും തകർന്ന നിലയിലാണ്. തിരുവമ്പാടിയിലെ ആശുപത്രിയിൽ ഹൃദയാഘാതത്തെ തുടർന്ന് ചികിത്സയിലായിരുന്ന ആനക്കാംപൊയിൽ സ്വദേശിയെ കൂടുതൽ വിദഗ്ദ്ധ ചികിത്സയ്ക്കായി നഗരത്തിലെ ആശുപത്രിയിലേക്ക് മാറ്റുന്നതിനിടെയാണ് ദാരുണമായ സംഭവം.

Story Summary

A youth named Subair from Puthuppady died in a fatal collision between a bike and an ambulance in Thiruvambady, Kozhikode. The accident occurred around 4 AM when the ambulance was transferring a heart patient to a city hospital, leaving the ambulance driver, a nurse, and the patient injured as the vehicle crashed into a post.