മെർക്കുറി യഥാർത്ഥ സ്വർണ്ണമാക്കി മാറ്റി: അവകാശവാദവുമായി സാൻ ഫ്രാൻസിസ്കോ സ്റ്റാർട്ടപ്പ് കമ്പനി | San Francisco Startup

സാൻ ഫ്രാൻസിസ്കോ: മെർക്കുറിയെ യഥാർത്ഥവും സ്ഥിരതയുള്ളതുമായ സ്വർണ്ണമാക്കി മാറ്റിയതായി സാൻ ഫ്രാൻസിസ്കോ ആസ്ഥാനമായുള്ള സ്റ്റാർട്ടപ്പായ ‘മരത്തൺ ഫ്യൂഷൻ’. യൂറോപ്യൻ ഓർഗനൈസേഷൻ ഫോർ ന്യൂക്ലിയർ റിസർച്ചിന്റെ റെക്കോർഡിനേക്കാൾ പതിന്മടങ്ങ് വേഗതയിലാണ് തങ്ങൾ ഈ ആൽക്കെമി വിജയിപ്പിച്ചതെന്ന് കമ്പനി അവകാശപ്പെടുന്നു. ഒക്ടോബർ 21-നാണ് കമ്പനി ഇക്കാര്യം സമൂഹമാധ്യമങ്ങളിലൂടെ പുറത്തുവിട്ടത്.(San Francisco Startup Marathon Fusion Claims Turning Mercury Into Gold)

ഫ്യൂഷൻ റിയാക്ടറുകൾ ഉപയോഗിച്ച് സ്വർണ്ണം ഉത്പാദിപ്പിക്കാമെന്ന കഴിഞ്ഞ വർഷത്തെ പ്രഖ്യാപനം തങ്ങൾ യാഥാർത്ഥ്യമാക്കിയതായി കമ്പനി വ്യക്തമാക്കി. ഫ്യൂഷൻ റിയാക്ടറുകളിൽ നിന്നുളള ഹൈ-എനർജി ന്യൂട്രോണുകൾ ഉപയോഗിച്ചാണ് മെർക്കുറിയെ സ്വർണ്ണമാക്കി മാറ്റിയത്. മെർക്കുറി-198-ൽ ന്യൂട്രോണുകൾ പതിപ്പിച്ച് റേഡിയോ ആക്ടീവ് മെർക്കുറി-197 ആക്കി മാറ്റുകയും, തുടർന്ന് അത് സ്ഥിരതയുള്ള സ്വർണ്ണമായ സ്വർണ്ണം-197 ആയി മാറുകയും ചെയ്യുന്ന സാങ്കേതികവിദ്യയാണ് ഇവർ ഉപയോഗിച്ചത്.

കാൻസർ രോഗനിർണ്ണയത്തിനും ചികിത്സയ്ക്കും ഉപയോഗിക്കുന്ന കോപ്പർ-64, കോപ്പർ-67 എന്നീ റേഡിയോ ആക്ടീവ് ഐസോടോപ്പുകൾ നിർമ്മിക്കാനും തങ്ങൾ ഫ്യൂഷൻ ന്യൂട്രോണുകൾ ഉപയോഗിച്ചിട്ടുണ്ടെന്നും കമ്പനി അവകാശപ്പെടുന്നു. എന്നാൽ കൊമേഴ്സ് തലത്തിൽ ഇതുവരെ ഫ്യൂഷൻ പ്ലാന്റുകൾ പ്രവർത്തിച്ചുതുടങ്ങിയിട്ടില്ലാത്തതിനാൽ പ്രഖ്യാപനം പൂർണ്ണതോതിലാകാൻ ഇനിയും സമയമെടുക്കും.

Story Summary

San Francisco startup Marathon Fusion claimed to have successfully transmuted mercury into real, stable gold using fusion-generated neutrons, beating CERN’s 2025 production record by a factor of 10. While the company shared gamma-ray measurements backing the process, commercial-scale feasibility of using fusion power plants for gold production remains in the projection stage.