പിഎസ്‌സി പരീക്ഷാക്രമക്കേട്: പരീക്ഷാ വിഭാഗം അഡീഷണൽ സെക്രട്ടറി ആർ. ഹരിക്ക് സസ്പെൻഷൻ | Kerala PSC
Current: മലയാളം
തിരുവനന്തപുരം: പിഎസ്‌സി ആസൂത്രണ ബോർഡ് പരീക്ഷാക്രമക്കേട് കേസിൽ പരീക്ഷാ വിഭാഗം അഡീഷണൽ സെക്രട്ടറി ആർ. ഹരിയെ സസ്പെൻഡ് ചെയ്തു (Kerala PSC). കേസിൽ ക്രൈംബ്രാഞ്ച് ഹരിയെ പ്രതി ചേർത്തിരുന്നു.
ആസൂത്രണ ബോർഡ് പരീക്ഷാക്രമക്കേട് കേസിലെ പ്രതികളെ ഉടൻ അറസ്റ്റ് ചെയ്യുമെന്ന് അന്വേഷണസംഘം നേരത്തെ വ്യക്തമാക്കിയിരുന്നു. പിഎസ്‌സിയിലെ രണ്ട് ഉദ്യോഗസ്ഥരെയാണ് പ്രത്യേക അന്വേഷണസംഘം (എസ്ഐടി) പ്രതിപ്പട്ടികയിൽ ഉൾപ്പെടുത്തിയിട്ടുള്ളത്.
സർക്കാരിന്റെ മെല്ലെപ്പോക്കിനെതിരെ ഹൈക്കോടതി
പിഎസ്‌സി പരീക്ഷാക്രമക്കേട് കേസിൽ സർക്കാർ നടപടികൾ വൈകുന്നതിനെതിരെ ഹൈക്കോടതി വിമർശനം ഉന്നയിച്ചിരുന്നു. പ്രധാന പ്രതികളെ അറസ്റ്റ് ചെയ്യാത്തതും ചോദ്യം ചെയ്യാത്തതും ചൂണ്ടിക്കാട്ടിയ കോടതി, എന്ത് അന്വേഷണമാണ് നടക്കുന്നതെന്ന് ചോദിച്ചിരുന്നു.
പ്രതികളെ ചോദ്യം ചെയ്യുന്നതിനും അറസ്റ്റ് ചെയ്യുന്നതിനും കോടതി നടപടികൾ തടസ്സമല്ലെന്നും ഹൈക്കോടതി നിരീക്ഷിച്ചിരുന്നു. ഇതിനു പിന്നാലെയാണ് അന്വേഷണം വേഗത്തിലാക്കാനുള്ള എസ്ഐടിയുടെ നീക്കങ്ങൾ ശക്തമായത്.
177 പരാതികൾ; കൂടുതൽ കേസുകൾ രജിസ്റ്റർ ചെയ്യാൻ നീക്കം
പിഎസ്‌സി പരീക്ഷകളിലെ ക്രമക്കേടുകളുമായി ബന്ധപ്പെട്ട് ഇതുവരെ 177 പരാതികൾ എസ്ഐടിക്ക് ലഭിച്ചിട്ടുണ്ട്. എന്നാൽ ഒരു കേസ് മാത്രമാണ് സംഘം രജിസ്റ്റർ ചെയ്തിട്ടുള്ളത്. മൂന്ന് കേസുകൾ കൂടി രജിസ്റ്റർ ചെയ്യാനാണ് എസ്ഐടിയുടെ നീക്കം.
വില്ലേജ് ഓയിൽ ഇൻസ്പെക്ടർ പരീക്ഷ, ഫിഷറീസ് എക്സ്റ്റൻഷൻ ഓഫീസർ പരീക്ഷ, അസിസ്റ്റന്റ് മോട്ടോർ വെഹിക്കിൾ ഇൻസ്പെക്ടർ പരീക്ഷ എന്നിവയിലെ ക്രമക്കേടുകൾ ആരോപിച്ചാണ് പരാതികൾ ലഭിച്ചിരിക്കുന്നത്.
ഈ മൂന്ന് പരീക്ഷകളിലെ ക്രമക്കേടുകളുമായി ബന്ധപ്പെട്ട് ഉടൻ എഡിജിപിക്ക് റിപ്പോർട്ട് നൽകാൻ എസ്ഐടിക്ക് നിർദേശമുണ്ട്. ക്രൈംബ്രാഞ്ച് ഐജി അജിത ബീഗത്തിന്റെ നേതൃത്വത്തിലാണ് അന്വേഷണം നടക്കുന്നത്.
Story Summary:
Kerala has suspended PSC Examination Wing Additional Secretary R. Hari after the Crime Branch named him as an accused in the PSC examination irregularities case. The SIT is also examining complaints relating to three other examinations, having received 177 complaints so far. The Kerala High Court had questioned delays in the investigation and asked why key accused had not been arrested or questioned.
