സ്വകാര്യ സർവകലാശാല ബിൽ 2025 പിൻവലിക്കാൻ രാഷ്ട്രപതിയുടെ അനുമതി; പുതിയ ബിൽ കൊണ്ടുവരാൻ സർക്കാർ | Kerala Private Universities Bill 2025

തിരുവനന്തപുരം: എൽ.ഡി.എഫ് സർക്കാരിന്റെ കാലത്ത് നിയമസഭ പാസാക്കിയ സ്വകാര്യ സർവകലാശാല ബിൽ 2025 പിൻവലിക്കുന്നതിന് രാഷ്ട്രപതിയുടെ അനുമതി ലഭിച്ചു (Kerala Private Universities Bill 2025). സംസ്ഥാന സർക്കാരിന്റെ അപേക്ഷ പരിഗണിച്ചാണ് രാഷ്ട്രപതി അനുമതി നൽകിയത്. പുതിയ ബിൽ അവതരിപ്പിക്കുന്നതിനുള്ള മുന്നൊരുക്കങ്ങളുടെ ഭാഗമായാണ് പഴയ ബിൽ പിൻവലിക്കുന്നത്.

ബിൽ പിൻവലിക്കാനുള്ള പ്രമേയം കഴിഞ്ഞ മാസം 12ന് നിയമസഭ പാസാക്കിയിരുന്നു. ഇതിന് പിന്നാലെ ഗവർണർ മുഖേന രാഷ്ട്രപതിയുടെ അനുമതിക്കായി അപേക്ഷ സമർപ്പിച്ചു. ഇതിലാണ് ഇപ്പോൾ അനുകൂല തീരുമാനം ഉണ്ടായിരിക്കുന്നത്.

പുതിയ ബിൽ ഉടൻ അവതരിപ്പിക്കുമെന്ന് സർക്കാർ
എൽ.ഡി.എഫ് ഭരണകാലത്ത് നിയമസഭ പാസാക്കിയ സ്വകാര്യ സർവകലാശാല ബില്ലിന് ഇതുവരെ രാഷ്ട്രപതിയുടെ അംഗീകാരം ലഭിച്ചിരുന്നില്ല. ബിൽ പിൻവലിക്കുന്നതിനുള്ള നടപടികൾ പൂർത്തിയാകുന്നതോടെ പുതിയ നിയമനിർമാണവുമായി മുന്നോട്ടുപോകാനാണ് സർക്കാർ ലക്ഷ്യമിടുന്നത്.

പുതിയ സ്വകാര്യ സർവകലാശാല ബിൽ ഉടൻ കൊണ്ടുവരുമെന്നാണ് യു.ഡി.എഫ് സർക്കാർ വ്യക്തമാക്കിയിട്ടുള്ളത്.

Story Summary:
The President has approved the withdrawal of the Private Universities Bill, 2025, passed by the Kerala Assembly during the LDF government’s tenure. The state government had sought permission to withdraw the bill after the Assembly passed a resolution on the matter on the 12th of last month. The UDF government has indicated that it plans to introduce a new bill soon.