‘ജയിൽ മേറ്റ്സ്’ ടൈറ്റിൽ ടീസർ പുറത്ത്; ഇടവേളയ്ക്ക് ശേഷം സംവിധാനരംഗത്തേക്ക് കെ.പി. ജഗൻ | Jail Mates movie

ചെന്നൈ: വിജയ് നായകനായ ‘പുതിയ ഗീതൈ’യിലൂടെ സംവിധായകനായി അരങ്ങേറ്റം കുറിച്ച കെ.പി. ജഗൻ പുതിയ ചിത്രവുമായി തിരിച്ചെത്തുന്നു (Jail Mates movie). ‘കോടമ്പാക്കം’, ‘രാമൻ തേടിയ സീതൈ’ തുടങ്ങിയ സിനിമകളിലൂടെ ശ്രദ്ധേയനായ ജഗൻ, ഇടവേളയ്ക്ക് ശേഷം സംവിധാനം ചെയ്യുന്ന ചിത്രമാണ് ‘ജയിൽ മേറ്റ്സ്’. തെന്നിന്ത്യയിലെ ആദ്യ മെറ്റാ സിനിമയെന്ന വിശേഷണത്തോടെയാണ് അണിയറപ്രവർത്തകർ ചിത്രം അവതരിപ്പിക്കുന്നത്. ചിത്രത്തിന്റെ ടൈറ്റിൽ ടീസർ പുറത്തിറങ്ങി.

പ്രശസ്ത സംവിധായകരായ പാണ്ഡിരാജിന്റെ പസങ്ക പ്രൊഡക്ഷൻസും വിഘ്നേഷ് ശിവന്റെ റൗഡി പിക്ചേഴ്സും സംയുക്തമായാണ് ചിത്രം നിർമ്മിക്കുന്നത്. ടീസറിന് മികച്ച പ്രതികരണമാണ് ലഭിക്കുന്നതെന്നാണ് അണിയറപ്രവർത്തകർ അറിയിക്കുന്നത്. തന്നെ സംവിധായകനാക്കിയ വിജയ്‌ക്ക് നന്ദി അറിയിച്ചുകൊണ്ടാണ് ജഗൻ ടൈറ്റിൽ പോസ്റ്റർ രൂപകൽപ്പന ചെയ്തിരിക്കുന്നതെന്നും റിപ്പോർട്ടിൽ പറയുന്നു.

‘മായാണ്ടി കുടുംബത്താർ’ എന്ന ചിത്രത്തിലൂടെ നടനായും ശ്രദ്ധ നേടിയ ജഗൻ തന്നെയാണ് ‘ജയിൽ മേറ്റ്സ്’ലെ നായകൻ. വിജയ് വർമ്മയാണ് മറ്റൊരു പ്രധാന നായക കഥാപാത്രത്തെ അവതരിപ്പിക്കുന്നത്. സനഷ്കാ ശ്രീയാണ് വിജയ് വർമ്മയുടെ നായിക.

എം.എസ്. ഭാസ്കർ, മൗനിക സന്തോഷ്, അരുൾ ദാസ്, വെട്രിവേൽ രാജ, ഉറിയടി ശങ്കർ, സായ് അഭിനയാ, വീരസമർ, കതിരവൻ, ബാലു, ദിണ്ടിക്കൽ അലക്സ് തുടങ്ങിയവരും ചിത്രത്തിൽ പ്രധാന വേഷങ്ങളിലെത്തുന്നു.

നവാഗതനായ സുഖാ സെൽവമാണ് ഛായാഗ്രഹണം നിർവഹിക്കുന്നത്. ശ്രീകാന്ത് ദേവയാണ് സംഗീതസംവിധായകൻ.

Story Summary:
Director and actor K.P. Jagan returns to direction with Jail Mates, described by its makers as South India’s first meta film. The film is jointly produced by Pandiraj’s Pasanga Productions and Vignesh Shivan’s Rowdy Pictures. Jagan and Vijay Varma play the lead roles, with Sanashka Sri as the female lead. The title teaser has been released.