ഇരിങ്ങാലക്കുട : ഇരിങ്ങാലക്കുട നഗരസഭ 23-ാം വാർഡിൽ ഹരിതകർമ്മസേന ശേഖരിച്ച് പെരുവെല്ലിപ്പാടം വാട്ടർ ടാങ്കിനടുത്ത് ഒതുക്കി വെച്ചിരുന്ന മാലിന്യ ചാക്കുകൾ സമീപത്തെ പെരുന്തോട്ടിലേക്ക് വലിച്ചെറിഞ്ഞ നിലയിൽ കാണപ്പെട്ടു.
വാട്ടർ ടാങ്കിനു സമീപമുള്ള പാലത്തിൽ നിത്യേന രാത്രി കാലങ്ങളിൽ സാമൂഹ്യ വിരുദ്ധർ തമ്പടിക്കാറുണ്ടെന്ന് സമീപവാസികൾ പറഞ്ഞു.
കഴിഞ്ഞ ദിവസങ്ങളിൽ വീടുകൾ തോറും കയറിയിറങ്ങി ഹരിതകർമ്മസേന ശേഖരിച്ച മാലിന്യങ്ങളാണ് ചാക്കുകളിലാക്കി കെട്ടി വണ്ടിയിൽ കയറ്റാൻ പാകത്തിൽ ഇവിടെ ഒതുക്കി വെച്ചിരുന്നത്. ഇതാണ് സാമൂഹ്യവിരുദ്ധർ തോട്ടിലേക്ക് വലിച്ചെറിഞ്ഞത്. ചാക്കുകളിൽ ഉണ്ടായിരുന്ന ചില്ലുകൾ പുറത്തെടുത്ത് ചവിട്ടി പൊട്ടിച്ച നിലയിലാണ്.
രാവിലെ ഇതുവഴി വന്ന യാത്രക്കാരാണ് ചാക്കുകൾ തോട്ടിൽ കിടക്കുന്നത് കണ്ടത്.
വിവരം ബന്ധപ്പെട്ടവരെ അറിയിച്ചിട്ടുണ്ട്.