ഇരിങ്ങാലക്കുട : “യുദ്ധം നിർത്തൂ, ലോക സമാധാനം സ്ഥാപിക്കൂ….” എന്ന ആവശ്യവുമായി ഇരിങ്ങാലക്കുട സെന്റ് തോമസ് കത്തീഡ്രൽ കത്തോലിക്ക കോൺഗ്രസിന്റെ നേതൃത്വത്തിൽ നടത്തിയ പ്രാർത്ഥന കൂട്ടായ്മ കത്തീഡ്രൽ വികാരി റവ. ഡോ. ഫാ. ലാസർ കുറ്റിക്കാടൻ ഉദ്ഘാടനം ചെയ്തു.
കത്തോലിക്ക കോൺഗ്രസ് പ്രസിഡന്റ് സാബു കൂനൻ അധ്യക്ഷത വഹിച്ചു.
ട്രസ്റ്റി പി.ടി. ജോർജ്ജ്, സെക്രട്ടറി റോബി കാളിയങ്കര, ട്രഷറർ ഡേവിസ് ചക്കാലക്കൽ, രൂപത കത്തോലിക്ക കോൺഗ്രസ് പിആർഒ ടെൽസൺ കോട്ടോളി, വൈസ് പ്രസിഡന്റുമാരായ ഷാജു എബ്രഹാം കണ്ടംകുളത്തി, ബീന രാജേഷ്, അസി. വികാരിമാരായ ഫാ. ക്രിസ്റ്റോൺ, ഫാ. ജസ്റ്റിൻ എന്നിവർ പ്രസംഗിച്ചു.
തുടർന്ന് മെഴുകുതിരി കത്തിച്ച് പിടിച്ച് പ്രാർത്ഥനാ ജ്വലനം നടത്തി.
മുൻ പ്രസിഡന്റ് രഞ്ജി അക്കരക്കാരൻ, അഡ്വ. ഹോബി ജോളി, വർഗ്ഗീസ് ജോൺ എന്നിവർ നേതൃത്വം നൽകി.