പശ്ചിമേഷ്യൻ യുദ്ധസാഹചര്യങ്ങളുടെ സ്വാധീനം മൂലം ഓഹരി വിപണിയിലുണ്ടായ തിരിച്ചടിക്ക് പിന്നാലെ സ്വർണവില ഉയരുമെന്ന് പ്രതീക്ഷിച്ചെങ്കിലും വില താഴേക്ക്.ഇന്നത്തെ ഓള് കേരള ഗോള്ഡ് ആൻ്റ് സില്വർ മെർച്ചൻ്റ്സ് അസോസിയേഷൻ അറിയിപ്പ് പ്രകാരം സംസ്ഥാനത്ത് 22 കാരറ്റ് 916 സ്വർണവില കുറഞ്ഞു.
ഗ്രാമിന് 45 രൂപയുടെയും പവന് 360 രൂപയുടെയും കുറവാണ് 22 കാരറ്റ് സ്വർണത്തില് രേഖപ്പെടുത്തിയിരിക്കുന്നത്. 22 കാരറ്റ് സ്വർണം ഗ്രാമിന് 15,585 രൂപയും പവന് 1,24,680 രൂപയുമാണ് ഇന്നത്തെ വില. 18 കാരറ്റ് സ്വർണവില ഗ്രാമിന് 12,800 രൂപ. പവന് 1,02,400 രൂപ. 14 കാരറ്റ് സ്വർണവില ഇന്ന് ഗ്രാമിന് 9,970 രൂപ. പവന് 79,760 രൂപ. 9 കാരറ്റ് സ്വർണം ഗ്രാമിന് 6,425 രൂപയും പവന് 51,400 രൂപയുമാണ് ഇന്നത്തെ വില. ജിഎസ്ടിയും പണിക്കൂലിയും ഉള്പ്പെടുത്തുമ്പോള് സ്വർണാഭരണ ശാലകളില് നിന്ന് ആഭരണങ്ങള് വാങ്ങുമ്പോഴുള്ള വിലനിലവാരത്തില് മാറ്റമുണ്ടാകും.
അതേസമയം വെള്ളി വിലയില് മാറ്റമില്ലാതെ തുടരുകയാണ്. 1 ഗ്രാം വെള്ളിക്ക് 295 രൂപയും പത്ത് ഗ്രാമിന് 2950 രൂപയുമാണ് വില. ഒരു കിലോ സ്വർണത്തിന് 295000 രൂപയുമാണ് വില. കേരളത്തിലെ സ്വർണവില റെക്കോർഡ് നിലവാരത്തിലെത്തിയത് 2026 ജനുവരി 29-നാണ്. 22 കാരറ്റ് സ്വർണം ഗ്രാമിന് 16,395 രൂയും പവന് 1,31,160 രൂപയുമാണ് വില. അതില് നിന്നും നേരിയ ആശ്വാസം നല്കുന്ന ഇടിവാണ് ഇപ്പോള് വിപണിയില് ദൃശ്യമാകുന്നത്.