കൊരുമ്പശ്ശേരി ജീവധാരയ്ക്ക് പ്രവാസി മലയാളിയായ വള്ളൂരകത്ത് ബിനീഷ് ബാബുവിന്റെ സഹായഹസ്തം

പെരുമ്പാവൂർ: ജീവകാരുണ്യ പ്രവർത്തന രംഗത്ത് കൂവപ്പടി കൊരുമ്പശ്ശേരി ആസ്ഥാനമായി പ്രവർത്തിക്കുന്ന ജീവധാര മാനസേവാകേന്ദ്രത്തിന് പ്രവാസി മലയാളിയുടെ സഹായഹസ്തം.

പെരുമ്പാവൂർ പട്ടിമറ്റം വള്ളൂരകത്ത് വീട്ടിൽ ബിനീഷ് ബാബുവാണ് രോഗികൾക്കാവശ്യമായ വീൽചെയർ, ഭക്ഷണമേശ, രോഗീപരിചരണത്തിനാവശ്യമായ കയ്യുറകൾ പുതപ്പുകൾ എന്നിവ സൗജന്യമായി നൽകിയത്.

നിർദ്ധനരായ രോഗികൾക്ക് താങ്ങായി നിലകൊള്ളുന്ന ജീവധാരയുടെ മാതൃകാപരമായ പ്രവർത്തനങ്ങൾ വിലയിരുത്തി സമൂഹത്തിലെ സുമനസ്സുകളായ പലരിൽ നിന്നും ഇത്തരം സഹായങ്ങൾ മുമ്പും ലഭിച്ചിട്ടുണ്ട്.

കൂവപ്പടി പുല്ലംവേലിക്കാവ് റോഡിൽ കൊരുമ്പശ്ശേരി അങ്കണവാടിയ്ക്കു സമീപമാണ് ജീവധാര മാനവസേവാകേന്ദ്രം.