എൽഡിഎഫ് സ്ഥാനാർഥിക്കായി പ്രചാരണം; എംജി സർവകലാശാലയിലെ രണ്ട് അധ്യാപകർക്കെതിരെ നടപടി

കോട്ടയം: നിയമസഭാ തെരഞ്ഞെടുപ്പിൽ എൽഡിഎഫ് സ്ഥാനാർഥിക്കായി പ്രചാരണം നടത്തിയ രണ്ട് അധ്യാപകർക്കെതിരെ നടപടി.

എംജി സർവകലാശാലയിലെ അധ്യാപകരായ അഷിത ആനന്ദ്, ഡോ. കെ.ആർ ബൈജു എന്നിവർക്കെതി രെയാണ് കോട്ടയം ജില്ലാ കലക്ടർ നടപടിക്ക് നിർദേശം നൽകിയത്.

നിയമസഭാ തെരഞ്ഞെടുപ്പിൽ ഇടത് സ്ഥാനാർഥിയുടെ പ്രചാരണ പോസ്റ്റുകൾ പങ്കുവെച്ചത് പെരുമാറ്റച്ചട്ട ലംഘനമെന്ന് ചൂടിക്കാട്ടിയാണ് നടപടി.

പെരുമാറ്റച്ചട്ട ലംഘനം നടന്നുവെന്ന് വരണാധികാരി നടത്തിയ അന്വേഷണത്തിൽ കണ്ടെത്തിയിരുന്നു. ജില്ലാ കലക്ടറുടെ ഉത്തരവിന്റെ പകർപ്പ്  ലഭിച്ചു.

അഭിഭാഷകനായ അഭിജിത്ത് ലാൽ ആണ് അധ്യാപകർക്കെതിരെ പരാതി നൽകിയത്.

സർക്കാർ ജീവനക്കാർ രാഷ്ട്രീയ പ്രചാരണം നടത്തരുതെന്ന തെരഞ്ഞെടുപ്പ് കമ്മീഷന്റെ മാർഗനിർദേശം ലംഭിച്ച് ഫേസ്ബുക്കിൽ പ്രചാരണ പോസ്റ്റുകൾ പങ്കുവെച്ചെന്നാണ് പരാതി.