‘മക്ക പ്രതിരോധ കരാർ പാലിക്കാൻ സജ്ജം’: സൗദിക്ക് ഒപ്പമുണ്ടെന്ന് പാകിസ്ഥാൻ | Pakistan Reaffirms Support

ഇസ്ലാമാബാദ്: സൗദി അറേബ്യയിലെ മക്കയ്ക്ക് സമീപം ഹൂതികൾ അയച്ച ഡ്രോൺ സൗദി വ്യോമസേന തകർത്ത പശ്ചാത്തലത്തിൽ, സൗദിയുടെ സുരക്ഷ ഉറപ്പാക്കാൻ പാകിസ്താൻ പൂർണ്ണ സജ്ജമാണെന്ന് പാക് പ്രതിരോധ മന്ത്രി ഖ്വാജ ആസിഫ്. ഓഗസ്റ്റ് 7-ന് പാകിസ്താനും സൗദിയും തുർക്കിയും ചേർന്ന് ഒപ്പുവെച്ച ‘മക്ക സംയുക്ത പ്രതിരോധ കരാർ’ അനുസരിച്ചുള്ള ചുമതലകൾ നിർവ്വഹിക്കുമെന്നും, വിശുദ്ധ നഗരമായ മക്കയുടെ സംരക്ഷണം ഉറപ്പാക്കാൻ പാകിസ്താൻ ഒപ്പമുള്ളതായും അദ്ദേഹം വ്യക്തമാക്കി.(Pakistan Reaffirms Support To Saudi Arabia Under Makkah Joint Defence Agreement)

ഒരു രാജ്യത്തിന് നേരെ ഉണ്ടാകുന്ന ആക്രമണം മൂന്ന് രാജ്യങ്ങൾക്കും എതിരെയുള്ള ആക്രമണമായി കണക്കാക്കുമെന്ന് അനുശാസിക്കുന്നതാണ് പാകിസ്താൻ, തുർക്കി, സൗദി അറേബ്യ എന്നീ രാജ്യങ്ങൾ ഒപ്പുവെച്ച പ്രതിരോധ കരാർ. മക്കയുടെ വ്യോമാതിർത്തിയിൽ പ്രവേശിക്കുന്നതിന് മുൻപ് തന്നെ ഡ്രോൺ തകർത്തതായി സൗദി അറിയിച്ചിരുന്നു.

മക്ക ആക്രമിക്കപ്പെട്ടാൽ സംരക്ഷണം നൽകാൻ പ്രത്യേകം കരാറുകൾ പോലുമില്ലാതെ തന്നെ പാകിസ്താൻ സൗദിക്കൊപ്പം നിൽക്കുമെന്ന് ഖ്വാജ ആസിഫ് പറഞ്ഞു. ചെങ്കടൽ, ബാബ് അൽ-മന്ദബ് വഴിയുള്ള നാവിക ഗതാഗതം തടസ്സപ്പെടുന്നത് മേഖലയിലെയും പാകിസ്താനിലെയും സാമ്പത്തിക രംഗത്തെ ബാധിക്കുന്നുണ്ടെന്നും, വ്യാപാര പാതകൾ തുറന്നുപ്രവർത്തിക്കേണ്ടത് അത്യന്താപേക്ഷിതമാണെന്നും അദ്ദേഹം ഓർമ്മിപ്പിച്ചു.

Story Summary

Pakistan’s Defence Minister Khawaja Asif stated that the country is fully prepared to fulfill its commitments under the Makkah Joint Defence Agreement after Saudi Arabia intercepted a Houthi drone near Mecca. Prime Minister Shehbaz Sharif re-iterated Pakistan’s solidarity with Saudi Arabia, emphasizing total support for the protection of holy sites and regional security.