പൊള്ളലേറ്റാൽ ശ്രദ്ധിക്കാം…

തീ പൊള്ളലേറ്റാൽ ഉടൻ തന്നെ പൊള്ളലേറ്റ ഭാഗത്ത് 20 മിനിറ്റ് നേരം തണുത്ത വെള്ളം ഒഴിക്കുക.

വെള്ളം ഒഴിക്കുക: പൊള്ളലേറ്റ ഭാഗത്ത് കുറഞ്ഞത് 15-20 മിനിറ്റ് തണുത്ത വെള്ളം (ഐസ് വെള്ളമല്ല) ഒഴിക്കുക.

ആഭരണങ്ങളും വസ്ത്രങ്ങളും നീക്കം ചെയ്യുക: പൊള്ളലേറ്റ ഭാഗത്തുള്ള മോതിരം, വാച്ച്, ഇറുകിയ വസ്ത്രങ്ങൾ എന്നിവ പെട്ടെന്ന് തന്നെ ഊരി മാറ്റുക. എന്നാൽ ചർമ്മത്തിൽ പറ്റിപ്പിടിച്ചിരിക്കുന്ന വസ്ത്രങ്ങൾ വലിച്ചുകീറാൻ ശ്രമിക്കരുത്.

ഐസ് വയ്ക്കരുത്: പൊള്ളലേറ്റ ഭാഗത്ത് ഒരിക്കലും ഐസ്, ഐസ് വെള്ളം, പേസ്റ്റ്, എണ്ണ, വെണ്ണ എന്നിവ പുരട്ടരുത്. ഇത് പരുക്ക് വഷളാക്കും.

കുമിളകൾ പൊട്ടിക്കരുത്: പൊള്ളലേറ്റുണ്ടാകുന്ന കുമിളകൾ ഒരിക്കലും പൊട്ടിക്കരുത്. ഇത് അണുബാധയ്ക്ക് കാരണമാകും.

മൂടിവയ്ക്കുക: വൃത്തിയുള്ള തുണിയോ പ്ലാസ്റ്റിക് റാപ്പോ ഉപയോഗിച്ച് പൊള്ളലേറ്റ ഭാഗം അയഞ്ഞുതൂങ്ങുന്ന രീതിയിൽ മൂടുക.