കാണാതായ യൂത്ത് കോൺഗ്രസ് നേതാവിനെ തേടിയ അന്വേഷണം ഓഫീസിൽ അവസാനിച്ചു: ഹരികൃഷ്ണനെ മരിച്ച നിലയിൽ കണ്ടെത്തി, മരണകാരണം വ്യക്തമല്ല, പൊലീസ് പരിശോധന തുടരുന്നു

കാസർഗോഡ്: ഉദുമ യൂത്ത് കോൺഗ്രസ് നിയോജകമണ്ഡലം സെക്രട്ടറി ഹരികൃഷ്ണനെ (32) മരിച്ച നിലയിൽ കണ്ടെത്തി. പൊയിനാച്ചി കോളങ്കുന്ന് സ്വദേശിയായ ഹരികൃഷ്ണനെ സ്വന്തം ഓഫീസിന്റെ രണ്ടാം നിലയിലാണ് മരിച്ച നിലയിൽ കണ്ടെത്തിയത്.

പൊയിനാച്ചിയിൽ വിദ്യാഭ്യാസ റിക്രൂട്ടിംഗ് ഏജൻസി നടത്തിവരികയായിരുന്നു ഹരികൃഷ്ണൻ. തിങ്കളാഴ്ച രാവിലെ 10 മണിയോടെ ഇയാളെ കാണാതായതിനെ തുടർന്ന് ബന്ധുക്കൾ മേൽപ്പറമ്പ് പൊലീസിൽ പരാതി നൽകിയിരുന്നു.

പരാതിയുടെ അടിസ്ഥാനത്തിൽ പൊലീസ് നടത്തിയ അന്വേഷണത്തിനിടെയാണ് ഹരികൃഷ്ണനെ ഓഫീസിൽ മരിച്ച നിലയിൽ കണ്ടെത്തിയത്. സംഭവത്തിൽ മേൽപ്പറമ്പ് പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.

മരണകാരണം ഉൾപ്പെടെയുള്ള കാര്യങ്ങൾ പൊലീസ് പരിശോധിച്ചുവരികയാണ്.

Story Summary:
Harikrishnan, 32, the Uduma Youth Congress constituency secretary, was found dead at his office in Poinachi, Kasaragod. Melparamba Police have registered a case of unnatural death and launched an investigation.