Skip to content
November 19, 2026
⌕

നവരാത്രി ഉത്സവത്തോടനുബന്ധിച്ച് കല്ലേകുളങ്ങര ശ്രീ ഏമൂർ ഭഗവതി ക്ഷേത്രത്തിന് മുന്നിലെ റോഡ് ടാർചെയ്ത് സഞ്ചാരയോഗ്യമാക്കി

September 24, 2026
Share this post to

മലമ്പുഴ: നവരാത്രി ഉത്സവത്തോടനുബന്ധിച്ച് കല്ലേകുളങ്ങര ശ്രീ ഏമൂർ ഭഗവതി ക്ഷേത്രത്തിന് മുന്നിലെ റോഡിലുണ്ടാകുന്ന തിരക്കും, ജനങ്ങളുടെ ബുദ്ധിമുട്ടും പരിഗണിച്ച്, പഞ്ചായത്ത് ഭരണസമിതിയുടെ ശക്തമായ ഇടപെടലിനെ തുടർന്ന് റോഡ് താൽക്കാലികമായി ടാർ ചെയ്ത് ഗതാഗതയോഗ്യമാക്കി. 

ഏറെ നാളുകളായി ഈ റോഡ് പൊട്ടിപ്പൊളിഞ്ഞ് കിടക്കുകയായിരുന്നു. അടിയന്തര നടപടിയുടെ ഭാഗമായി രാത്രി വൈകിയാണ് നിർമ്മാണ പ്രവർത്തികൾ പൂർത്തിയാക്കിയത്. 

പഞ്ചായത്ത് വൈസ് പ്രസിഡന്റ് ജി സുജിത്ത്, മെമ്പർമാരായ സുധീർ കെ എ, അജയ് കെ കെ, ഷിജു എസ്, കോമളദാസൻ  കെ എന്നിവർ മുൻകൈയെടുത്തു നടത്തിയ ഈ പ്രവർത്തനം ഇതിനകം തന്നെ പൊതു ജനങ്ങളുടെ വലിയ പ്രശംസ ഏറ്റു വാങ്ങിയിട്ടുണ്ട്. 

പ്രസ്തുത റോഡ് നിലവിൽ പഞ്ചായത്ത് വാർഷിക ബജറ്റിൽ ഉൾപ്പെടുത്തിയിട്ടുണ്ടെന്നും, ടെൻഡർ നടപടികൾക്ക് ശേഷം പൂർണ്ണമായി നന്നാക്കുമെന്നും വൈസ് പ്രസിഡന്റ് അറിയിച്ചു.

Get more updates from Pudukad News on Google