Skip to content
November 19, 2026
⌕

താമരശ്ശേരി ചുരത്തിൽ വീണ്ടും വൻ ഗതാഗതക്കുരുക്ക്; ആറാം വളവിൽ ലോറി കുടുങ്ങി; കിലോമീറ്ററുകളോളം വാഹനങ്ങളുടെ നീണ്ടനിര

September 29, 2026
Share this post to

കോഴിക്കോട്: താമരശ്ശേരി ചുരത്തിൽ വീണ്ടും ലോറി കുടുങ്ങി വൻ ഗതാഗതക്കുരുക്ക് രൂപപ്പെട്ടു.

ആറാം വളവിൽ പുലർച്ചെ രണ്ടരയോടെ വയനാട്ടിലേക്ക് പോയ ലോറിയാണ് ചുരം കയറാൻ കഴിയാതെ കുടുങ്ങിയത്.

രണ്ടര മണിക്കൂറോളം നീണ്ട പ്രയത്നത്തിനൊടുവിൽ പുലർച്ചെ അഞ്ച് മണിയോടെ ലോറി മാറ്റിയെങ്കിലും ചുരത്തിൽ ഗതാഗതതടസം രൂക്ഷമായി തുടരുകയാണ്.

ഇരുഭാഗത്തേക്കും കിലോമീറ്ററുകളോളം നീളത്തിലാണ് നിലവിൽ വാഹനങ്ങളുടെ നിര നീണ്ടുകിടക്കുന്നത്.

 വയനാട്ടിൽ നിന്ന് കോഴിക്കോട്ടേക്ക് പോകുന്ന ഉദ്യോഗസ്ഥരും വിദ്യാർഥികളും അടക്കമുള്ള നിരവധി യാത്രക്കാരാണ് നിലവിൽ ചുരത്തിൽ കുടുങ്ങിക്കിടക്കുന്നത്.

ആഴ്ചയിൽ അഞ്ച് ദിസവമെങ്കിലും ലോറികളോ ബസുകളോ കുടുങ്ങി മണിക്കൂറുകളോളം ഗതാഗതം സ്തംഭിക്കുന്ന സാഹചര്യമാണ് ഇവിടെയുള്ളത്.

ഗതാഗതക്കുരുക്ക് മാറ്റി പൂർവസ്ഥിതിയി ലാകാൻ ഇനിയും മൂന്നോ നാലോ മണിക്കൂർ സമയമെടുക്കുമെന്നാണ് കരുതുന്നത്

Get more updates from Pudukad News on Google