ആഗോള രാഷ്ട്രീയം കൂടുതൽ ധ്രുവങ്ങളുള്ള ഒരു പുതിയ ലോകക്രമത്തിലേക്ക് നീങ്ങുകയാണെന്ന് വിദേശകാര്യ മന്ത്രി എസ്. ജയ്ശങ്കർ: ഇന്ത്യ മറ്റ് രാജ്യങ്ങളുമായി വിപുലമായ ബന്ധം പുലർത്തുന്നതിനെ മുൻപ് അമേരിക്ക എതിർത്തിരുന്നുവെന്നും വാഷിംഗ്ടണുമായി മാത്രം ബന്ധം നിർത്തണമെന്നായിരുന്നു അവരുടെ നിലപാടെന്നും തുറന്നടിച്ച് മന്ത്രി
Current: മലയാളം
ന്യൂയോര്‍ക്ക്: ലോകം കൂടുതല്‍ ധ്രുവങ്ങളുള്ള ഒരു പുതിയ ആഗോളക്രമത്തിലേക്ക് നീങ്ങുകയാണെന്നും, മറ്റ് രാജ്യങ്ങളുമായി ബന്ധങ്ങള്‍ പുലര്‍ത്തുന്നതില്‍ മുന്‍പുണ്ടായിരുന്ന നയതന്ത്ര പ്രതിബന്ധങ്ങള്‍ അവസാനിച്ചതായും ഇന്ത്യന്‍ വിദേശകാര്യ മന്ത്രി എസ്. ജയ്ശങ്കര്‍.
ന്യൂയോര്‍ക്കില്‍ ഏഷ്യ സൊസൈറ്റി സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം. അമേരിക്ക മറ്റ് രാജ്യങ്ങളുമായി തങ്ങളുടെ നയതന്ത്ര സാധ്യതകള്‍ തുറന്നിടുമ്പോള്‍ തന്നെ, ഇന്ത്യ കൂടുതല്‍ രാജ്യങ്ങളുമായി അടുത്ത ബന്ധം സ്ഥാപിക്കുന്നതിനെ അമേരിക്ക മുന്‍പ് പ്രോത്സാഹിപ്പിച്ചിരുന്നില്ലെന്ന് ജയ്ശങ്കര്‍ ചൂണ്ടിക്കാട്ടി.
ഇന്ത്യ വാഷിംഗ്ടണുമായി മാത്രമുള്ള ബന്ധത്തില്‍ ശ്രദ്ധ കേന്ദ്രീകരിക്കണമെന്നായിരുന്നു അന്ന് അമേരിക്കയുടെ നിലപാട്.
എന്നാല്‍ ഇന്ന് ആ സാഹചര്യം പൂര്‍ണ്ണമായും മാറിയെന്നും എല്ലാ രാജ്യങ്ങളും പരസ്പരം തുറന്ന നയതന്ത്ര ബന്ധങ്ങളില്‍ ഏര്‍പ്പെടുന്നുണ്ടെന്നും അദ്ദേഹം വ്യക്തമാക്കി.
‘എല്ലാവരും എല്ലാവരുമായും തുറന്ന ബന്ധത്തിലാണ് ഇന്ന് നീങ്ങുന്നത്; ആഗോള രാഷ്ട്രീയം ഒരു ബഹുധ്രുവ ലോകത്തിലേക്ക് നീങ്ങുന്നതിന്റെ വ്യക്തമായ സൂചനയാണിത്,’ ജയ്ശങ്കര്‍ പറഞ്ഞു.
മുന്‍ അമേരിക്കന്‍ അസിസ്റ്റന്റ് സെക്രട്ടറി ഓഫ് സ്റ്റേറ്റ് ഡാനിയല്‍ റസ്സലുമായി നടത്തിയ സംവാദത്തിലാണ് ആഗോള രാഷ്ട്രീയത്തിലെ ഈ സുപ്രധാന മാറ്റത്തെക്കുറിച്ച് ജയ്ശങ്കര്‍ തന്റെ നിരീക്ഷണങ്ങള്‍ പങ്കുവെച്ചത്.
