ഏഷ്യൻ ഗെയിംസ് 2026 ക്രിക്കറ്റ് ഫൈനൽ: പാകിസ്താൻ്റെ മുറിവിൽ ഉപ്പ് പുരട്ടി അഭിഷേക് ശർമ്മ; 20 പന്തിൽ അർദ്ധ സെഞ്ചുറി | Abhishek Sharma

നിഷിൻ: ഏഷ്യൻ ഗെയിംസ് 2026 പുരുഷ ക്രിക്കറ്റ് ഫൈനലിൽ പാകിസ്താൻ ബൗളർമാരെ കടന്നാക്രമിച്ച് ഇന്ത്യൻ ഓപ്പണർ അഭിഷേക് ശർമ്മ. വെറും 20 പന്തുകളിൽ നിന്ന് തകർപ്പൻ അർദ്ധ സെഞ്ചുറിയാണ് അഭിഷേക് അടിച്ചെടുത്തത്. അഭിഷേകിന്റെ മിന്നൽ ബാറ്റിംഗിന്റെ കരുത്തിൽ ഇന്ത്യൻ സ്കോർ അതിവേഗം 70 കടന്നു.(Abhishek Sharma Smashes 20 Ball Fifty Against Pakistan In Asian Games 2026 Final0

പേസ് ബൗളർമാർക്കെതിരെ സിക്സറുകളുടെ പൂരമാണ് അഭിഷേക് അഴിച്ചുവിട്ടത്. ഡീപ് മിഡ്‌വിക്കറ്റിലൂടെയും ഡീപ് എക്‌സ്ട്രാ കവറിലൂടെയും പന്ത് അതിർത്തി കടത്തിയാണ് താരം തന്റെ ഫിഫ്റ്റി തികച്ചത്. അർദ്ധ സെഞ്ചുറിക്ക് പിന്നാലെ തന്റെ സിഗ്നേച്ചർ ‘L’ സെലിബ്രേഷൻ നടത്തിയാണ് അഭിഷേക് വിജയം ആഘോഷിച്ചത്.

മറുവശത്ത് പാകിസ്താൻ ബൗളിംഗും ഫീൽഡിംഗും പൂർണ്ണമായും താളംതെറ്റിയ നിലയിലാണ്. വൈഡുകളും ബൗണ്ടറികളും വഴങ്ങി പാക് ടീം സമ്മർദ്ദത്തിലായപ്പോൾ റൺ ഔട്ടിൽ നിന്ന് അഭിഷേക് ഒരു തവണ അത്ഭുതകരമായി രക്ഷപ്പെടുകയും ചെയ്തു. വൈഭവ് സൂര്യവംശി പുറത്തായെങ്കിലും ക്യാപ്റ്റൻ ശ്രേയസ് അയ്യരെ കൂട്ടുപിടിച്ച് ഇന്ത്യയെ വൻ സ്കോറിലേക്ക് നയിക്കുകയാണ് അഭിഷേക് ശർമ്മ.

Story Summary

Abhishek Sharma put on a stellar batting display in the Asian Games 2026 men’s cricket final against Pakistan, smashing a 20-ball half-century. His aggressive knock, featuring multiple sixes and his signature ‘L’ celebration, pushed India past the 70-run mark rapidly despite early pressure.