Skip to content
November 19, 2026
⌕

ഡബ്ലിനിൽ 200 പേർക്ക് കൂടി തൊഴിൽ നൽകാൻ ഫിനാൻഷ്യൽ കമ്പനിയായ സ്ട്രിപ്പ്

October 6, 2026
Share this post to

ഡബ്ലിനിൽ 200 പേർക്ക് കൂടി തൊഴിൽ നൽകാൻ ഫിനാൻഷ്യൽ കമ്പനിയായ സ്ട്രിപ് ഐറിഷ് ഫിനാൻഷ്യൽ ടെക്നോളജി കമ്പനിയായ സ്ട്രൈപ്പ് (സ്ട്രിപ്പ്), തങ്ങളുടെ ഡബ്ലിൻ ആസ്ഥാനത്ത് 200 തൊഴിലവസരങ്ങൾ കൂടി സൃഷ്ടിക്കാനുള്ള പദ്ധതികൾ പ്രഖ്യാപിച്ചു. 2026-ൽ ഇതിനകം നടത്തിയിട്ടുള്ള നിയമനങ്ങളുടെ തുടർച്ചയാണിതെന്ന് കമ്പനി അറിയിച്ചു. അയർലണ്ടിൽ സ്ട്രൈപ്പിനായി ഇപ്പോൾ 1,000-ലധികം ആളുകൾ ജോലി ചെയ്യുന്നുണ്ട്. ഇത് ഈ വർഷത്തിന്റെ തുടക്കത്തെ അപേക്ഷിച്ച് 35 ശതമാനത്തിലധികം വർദ്ധനവാണ്.

ഐറിഷ് സഹോദരങ്ങളായ പാട്രിക് കോളിസണും ജോൺ കോളിസണും ചേർന്ന് സ്ഥാപിച്ച കമ്പനി, സൗകര്യങ്ങൾ വർദ്ധിപ്പിച്ചുകൊണ്ട് 2025 ഒക്ടോബറിലാണ് ഡബ്ലിനിൽ പുതിയ ആസ്ഥാനം തുറന്നത്.

സാൻ ഫ്രാൻസിസ്കോയിലും ഡബ്ലിനിലും സ്ട്രൈപ്പിന് രണ്ട് ആഗോള ആസ്ഥാനങ്ങൾ ആണുള്ളത്. യൂറോപ്പ്, മിഡിൽ ഈസ്റ്റ്, ആഫ്രിക്ക എന്നിവിടങ്ങളിലെ തങ്ങളുടെ പ്രവർത്തനങ്ങൾക്കും ആഗോളതലത്തിൽ സ്ട്രൈപ്പിനായി ഉൽപ്പന്നങ്ങൾ വികസിപ്പിക്കുന്നതിനുമുള്ള ഒരു ഹബ്ബായാണ് ഡബ്ലിൻ സെന്റർ പ്രവർത്തിക്കുന്നത്. ഐ ഡി എ അയർലണ്ട് വഴി സർക്കാരിന്റെ പിന്തുണ സ്ട്രൈപ്പിനുണ്ട്.

Get more updates from Pudukad News on Google