Skip to content
November 20, 2026
⌕

ഭാര്യ അറിയാതെ ആദ്യ രാത്രിയുടെ വീഡിയോ ചിത്രീകരിച്ചു, പ്രചരിപ്പിക്കുമെന്ന് ഭീഷണിയും: മറ്റ് സ്ത്രീകളുമായുള്ള ബന്ധം പുറത്തായതിന് പിന്നാലെ ഡ്രൈവറായ യുവാവ് അറസ്റ്റിൽ | Mayiladuthurai driver arrested, first night video threat

October 8, 2026
Share this post to
Mayiladuthurai driver arrested, first night video threat

മയിലാടുതുറ (തമിഴ്‌നാട്): മറ്റ് സ്ത്രീകളുമായുള്ള വഴിവിട്ട ബന്ധങ്ങൾ ഭാര്യ കണ്ടെത്തിയതിനെ തുടർന്ന്, ആദ്യ രാത്രിയുടെ (Mayiladuthurai driver arrested, first night video threat) ദൃശ്യങ്ങൾ പകർത്തി സോഷ്യൽ മീഡിയയിലൂടെ പ്രചരിപ്പിക്കുമെന്ന് ഭീഷണിപ്പെടുത്തിയ യുവാവ് പൊലീസിന്റെ പിടിയിലായി. മയിലാടുതുറ ജില്ലയിലാണ് നാടിനെ നടുക്കിയ സംഭവം നടന്നത്. ഡ്രൈവറായി ജോലി ചെയ്യുന്ന യുവാവിനെയാണ് യുവതിയുടെ പരാതിയിൽ പൊലീസ് അറസ്റ്റ് ചെയ്തത്.

വിവാഹം കഴിഞ്ഞ് കുറച്ചുനാളുകൾക്ക് ശേഷം ഭർത്താവിന്റെ ഫോൺ പരിശോധിച്ചപ്പോഴാണ് ഇയാൾക്ക് മറ്റ് പല സ്ത്രീകളുമായും അവിഹിത ബന്ധങ്ങളുണ്ടെന്ന ഞെട്ടിക്കുന്ന വിവരം യുവതി അറിയുന്നത്. ഇതേച്ചൊല്ലി ദമ്പതികൾ തമ്മിൽ വാക്കേറ്റവും തർക്കവും പതിവായിരുന്നു. തുടർന്ന് വിഷയം കുടുംബാംഗങ്ങളെ അറിയിക്കുമെന്ന് യുവതി വ്യക്തമാക്കിയതോടെയാണ് യുവാവ് ഭീഷണിയുമായി രംഗത്തെത്തിയത്.

വിവാഹ രാത്രിയിലെ ഇവരുടെ സ്വകാര്യ നിമിഷങ്ങൾ താൻ രഹസ്യമായി ചിത്രീകരിച്ചിട്ടുണ്ടെന്നും, വിഷയം പുറത്തുപറഞ്ഞാൽ ഈ ദൃശ്യങ്ങൾ ഇന്റർനെറ്റിലൂടെ പരസ്യപ്പെടുത്തുമെന്നുമായിരുന്നു യുവാവിന്റെ ഭീഷണി. തുടന്ന് ഭയപ്പെടാതെ യുവതി പൊലീസിൽ പരാതി നൽകുകയായിരുന്നു. പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത പൊലീസ് ഇയാളെ അറസ്റ്റ് ചെയ്യുകയും മൊബൈൽ ഫോൺ കസ്റ്റഡിയിലെടുക്കുകയും ചെയ്തു. സംഭവത്തിൽ പൊലീസ് കൂടുതൽ അന്വേഷണം നടത്തിവരികയാണ്.

Get more updates from Pudukad News on Google