‘ജനാധിപത്യ ധ്വംസനം’: പിണറായിയെ തടഞ്ഞ് ഡൽഹി പോലീസ്, CPM നേതാക്കളെ കസ്റ്റഡിയിലെടുത്തു, അഭിജീത് ദിപ്കെ ഡൽഹിയിൽ, നഗരം കടുത്ത സുരക്ഷയിൽ | CJP Protest

ന്യൂഡൽഹി: മുഖ്യ തെരഞ്ഞെടുപ്പ് കമ്മീഷണർ (CEC) ഗ്യാനേഷ് കുമാറിനെ പുറത്താക്കണമെന്നും വോട്ടർ പട്ടികയിലെ ക്രമക്കേടുകൾ അന്വേഷിക്കണമെന്നും ആവശ്യപ്പെട്ട് ഡൽഹി കേരള ഹൗസിന് മുന്നിൽ പ്രതിഷേധിച്ച മുതിർന്ന സി.പി.എം നേതാക്കളെ ഡൽഹി പൊലീസ് കസ്റ്റഡിയിലെടുത്തു. ജന്തർ മന്തറിലേക്ക് മാർച്ചും പ്രതിഷേധവും സംഘടിപ്പിക്കാൻ ഒരുങ്ങുന്നതിനിടെയാണ് സി.പി.എം ജനറൽ സെക്രട്ടറി എം.എ. ബേബി, സംസ്ഥാന സെക്രട്ടറി എം.വി. ഗോവിന്ദൻ, പി.കെ. ശ്രീമതി, കെ.കെ. ശൈലജ തുടങ്ങിയ പ്രമുഖ നേതാക്കളെ പൊലീസ് തടങ്കലിലാക്കിയത്.(CJP Protest, CPM Leaders Detained Kerala House Delhi CJP Protest Pinarayi Vijayan)

നേതാക്കളെ കസ്റ്റഡിയിലെടുത്തതറിഞ്ഞ് പ്രതിഷേധവുമായി എത്തിയ പിണറായി വിജയൻ ഉൾപ്പെടെയുള്ളവരെ പൊലീസ് അതിർത്തിയിൽ തടഞ്ഞു. കേന്ദ്ര സർക്കാരിന്റെയും ഡൽഹി പൊലീസിന്റെയും നടപടിക്കെതിരെ രൂക്ഷമായ ഭാഷയിലാണ് അദ്ദേഹം പ്രതികരിച്ചത്. ഡൽഹിയിൽ നടക്കുന്നത് നഗ്നമായ ജനാധിപത്യ ധ്വംസനമാണെന്നും, ജനാധിപത്യം സംരക്ഷിക്കാൻ സി.ജെ.പി (CJP) പ്രഖ്യാപിച്ച പ്രക്ഷോഭങ്ങൾക്ക് പിന്തുണ നൽകേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം മാധ്യമങ്ങളോട് പറഞ്ഞു.

പിരിഞ്ഞു പോകണമെന്ന പൊലീസിന്റെ മുന്നറിയിപ്പുകൾ അവഗണിച്ച് നേതാക്കൾ പ്രതിഷേധത്തിൽ ഉറച്ചുനിൽക്കുകയാണ്. അതേസമയം, പ്രക്ഷോഭത്തിന് നേതൃത്വം നൽകാനായി കോക്റോച് ജനതാ പാർട്ടി (CJP) സ്ഥാപകൻ അഭിജീത് ദിപ്കെ, സൗരവ് ദാസ്, അശുതോഷ് റാങ്ക എന്നിവർ മുംബൈയിൽ നിന്നും ഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ (IGI) എത്തിച്ചേർന്നു. സമരക്കാരുടെ ഒഴുക്ക് തടയാനായി ഡൽഹിയുടെ അതിർത്തി പ്രദേശമായ അപ്സര ബോർഡറിൽ കനത്ത സുരക്ഷയാണ് ഏർപ്പെടുത്തിയിരിക്കുന്നത്സ്ഥി

തിഗതികൾ സൂക്ഷ്മമായി നിരീക്ഷിക്കാൻ ഡ്രോണുകളും സ്ഥിരമായ സി.സി.ടി.വി ക്യാമറകളും പ്രവർത്തനക്ഷമമാക്കിയിട്ടുണ്ട്. വ്യാപാരാവശ്യങ്ങൾക്കായുള്ള വലിയ വാഹനങ്ങൾ കർശന പരിശോധനയ്ക്ക് ശേഷമാണ് കടത്തിവിടുന്നത്. സംഘർഷ സാധ്യത കണക്കിലെടുത്ത് വിന്യസിക്കപ്പെട്ട ഭൂരിഭാഗം പൊലീസ് ഉദ്യോഗസ്ഥർക്കും ബോഡി ക്യാമറകൾ നൽകിയിട്ടുണ്ട്. അനുമതിയില്ലാത്ത സമരത്തിലേക്ക് എത്തുന്നവർക്കെതിരെ കടുത്ത നിയമനടപടികൾ ഉണ്ടാകുമെന്ന് ഷാഹ്ദര ഡി.സി.പി രാജേന്ദ്ര പ്രസാദ് മീന മുന്നറിയിപ്പ് നൽകി. ഉത്തർപ്രദേശ് പൊലീസുമായി സഹകരിച്ചാണ് ബോർഡറുകളിൽ പിക്കറ്റുകൾ സ്ഥാപിച്ച് ആളുകളെ തടയുന്നത്.

Story Summary

Delhi Police detained senior CPI(M) leaders including M.A. Baby, M.V. Govindan, and K.K. Shailaja near Kerala House as they prepared to march towards Jantar Mantar demanding the CEC’s resignation. Pinarayi Vijayan, who joined the protest, condemned the police action as a direct assault on democracy, while CJP leaders landed at Delhi airport amidst tight border surveillance and drone security across NCR.