വിവാഹത്തിനായി നാട്ടിലേക്ക് വരാനിരിക്കെ ദുരന്തം; ഫുജൈറയിൽ വാഹനാപകടത്തിൽ മലയാളി യുവാവ് മരിച്ചു | Malayali Youth Dies in UAE
Current: മലയാളം
ഫുജൈറ: വിവാഹത്തിനായി നാട്ടിലേക്ക് വരാനിരിക്കെ യുഎഇയിലെ ഫുജൈറയിലുണ്ടായ വാഹനാപകടത്തിൽ മലയാളി യുവാവ് മരിച്ചു (Malayali Youth Dies in UAE). മൂവാറ്റുപുഴ സ്വദേശി തെളിക്കുന്നേൽ റെസ്‌വിൻ റഷീദ് (24) ആണ് മരിച്ചത്.
ഇലക്ട്രിക് സ്കൂട്ടറിൽ സഞ്ചരിക്കുകയായിരുന്ന റെസ്‌വിന്റെ വാഹനത്തിൽ കാർ ഇടിച്ചാണ് അപകടമുണ്ടായത്. ഫുജൈറ സിറ്റി സെന്ററിലെ അൽ ബൈക്ക് കൗണ്ടറിൽ സെയിൽസ്മാനായി ജോലി ചെയ്തുവരികയായിരുന്നു റെസ്‌വിൻ. ഡ്യൂട്ടി ഷിഫ്റ്റ് കഴിഞ്ഞ് മടങ്ങുന്നതിനിടെയാണ് അപകടം സംഭവിച്ചത്.
നവംബറിൽ വിവാഹം നിശ്ചയിച്ചിരുന്നു
റെസ്‌വിന്റെ വിവാഹം നവംബറിൽ നടത്താനാണ് നിശ്ചയിച്ചിരുന്നത്. നവംബർ ആദ്യം അവധിക്ക് നാട്ടിലേക്ക് പോകാനുള്ള ഒരുക്കങ്ങൾക്കിടെയാണ് അപകടം സംഭവിച്ചത്. വിവാഹത്തിനായുള്ള തയ്യാറെടുപ്പുകൾക്കിടെ യുവാവിന്റെ അപ്രതീക്ഷിത മരണം കുടുംബത്തെയും സുഹൃത്തുക്കളെയും ദുഃഖത്തിലാഴ്ത്തി.
മൃതദേഹം നാട്ടിലെത്തിക്കാൻ നടപടികൾ
അപകടത്തെത്തുടർന്ന് മരിച്ച റെസ്‌വിന്റെ മൃതദേഹം തുടർനടപടികൾക്കായി ഫുജൈറ ആശുപത്രിയിലേക്ക് മാറ്റി. മൃതദേഹം നാട്ടിലെത്തിക്കുന്നതിനുള്ള നടപടിക്രമങ്ങൾ പുരോഗമിക്കുകയാണ്.
Story Summary: Reswin Rasheed, a 24-year-old native of Muvattupuzha, died in a road accident in Fujairah, UAE. His electric scooter was hit by a car while he was returning after his work shift. Reswin worked as a salesman at an Al Baik counter in Fujairah City Centre and was due to travel home in early November for his wedding, which had been scheduled for the same month.
