‘ഗ്യാനേഷ് കുമാർ രാജിവച്ച് മാപ്പുസാക്ഷിയാകണം’; ദില്ലിയിൽ പ്രതിഷേധം വീണ്ടും ശക്തമാക്കാൻ ഇന്ത്യാ സഖ്യം| Rahul Gandhi Gyanesh Kumar resignation demand
Current: മലയാളം
മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ദില്ലിയിൽ പ്രതിഷേധം ശക്തമാക്കാനൊരുങ്ങി ഇന്ത്യാ സഖ്യം. വോട്ടുകൊള്ളയുമായി ബന്ധപ്പെട്ട ആരോപണങ്ങളിൽ ഗ്യാനേഷ് കുമാർ രാജിവച്ച് മാപ്പുസാക്ഷിയാകണമെന്ന് കോൺഗ്രസ് നേതാവ് രാഹുൽ ഗാന്ധി പോഡ്കാസ്റ്റിലൂടെ ആവശ്യപ്പെട്ടു. തെരഞ്ഞെടുപ്പ് ക്രമക്കേടുകളുമായി ബന്ധപ്പെട്ട ആരോപണങ്ങളിൽ ഗ്യാനേഷ് കുമാറിന് അധികാരത്തിൽ തുടരാനുള്ള ധാർമിക അവകാശമില്ലെന്നും അദ്ദേഹം പറഞ്ഞു. (Rahul Gandhi Gyanesh Kumar resignation demand)
ദസറയെ തുടർന്ന് താൽക്കാലികമായി നിർത്തിവച്ച പ്രതിഷേധം ഒക്ടോബർ 25ഓടെ വീണ്ടും സജീവമാക്കാനാണ് സഖ്യത്തിന്റെ നീക്കം. അടുത്ത ശനിയാഴ്ചയോടെ ദില്ലിയിലെത്താൻ എംപിമാർക്ക് നിർദേശം നൽകും. സുപ്രീംകോടതിയിലേക്ക് നടത്തിയ റാലിയുടെ മാതൃകയിൽ കൂടുതൽ നേതാക്കളെയും പ്രവർത്തകരെയും പങ്കെടുപ്പിച്ചായിരിക്കും പ്രതിഷേധം. നവംബർ ഒന്നിന് രാംലീല മൈതാനിയിൽ നിശ്ചയിച്ചിരിക്കുന്ന മഹാറാലിക്ക് മുന്നോടിയായാണ് ഈ നീക്കം. ഒക്ടോബർ 27ന് ദില്ലിയിൽ സിപിഐ മനുഷ്യച്ചങ്ങലയും സംഘടിപ്പിക്കും.
അതിനിടെ, പ്രതിഷേധത്തിനിടെ പൊലീസിന്റെ നടപടിയിൽ പരിക്കേറ്റ വിദ്യാർഥികളും യുവജന സംഘടനാ നേതാക്കളും രാഹുൽ ഗാന്ധിയെ കണ്ട് തങ്ങളുടെ അനുഭവങ്ങൾ പങ്കുവച്ചു. പൊലീസ് നടപടിയെക്കുറിച്ചുള്ള വിഷയം വരാനിരിക്കുന്ന പാർലമെന്റ് സമ്മേളനത്തിൽ രാഹുൽ ഉന്നയിച്ചേക്കും. വോട്ടുകൊള്ള ഭരണഘടനാ സ്ഥാപനങ്ങളുടെ വിശ്വാസ്യതയെപ്പോലും ബാധിച്ചുവെന്നാണ് അദ്ദേഹത്തിന്റെ ആരോപണം. ഇതിനിടെ, പ്രതിഷേധങ്ങൾക്കെതിരായ പൊലീസ് നടപടിയിൽ അതൃപ്തി അറിയിക്കണമെന്ന് ആവശ്യപ്പെട്ട് ആറ് യുഎസ് കോൺഗ്രസ് അംഗങ്ങൾ സ്റ്റേറ്റ് സെക്രട്ടറി മാർക്കോ റൂബിയോയ്ക്ക് കത്തയച്ചു. കത്തിൽ ഒപ്പിട്ടവരിൽ പ്രമീള ജയപാലും ഉൾപ്പെടുന്നു. എന്നാൽ, ഇന്ത്യയിലെ പ്രതിഷേധങ്ങളെക്കുറിച്ചുള്ള പ്രമീള ജയപാലിന്റെ പ്രസ്താവന വിദേശകാര്യ മന്ത്രാലയം നേരത്തേ തള്ളിയിരുന്നു. പ്രതിഷേധങ്ങളിൽ മറ്റ് രാജ്യങ്ങൾ അഭിപ്രായം പറയേണ്ടതില്ലെന്ന നിലപാടാണ് ഇന്ത്യൻ സർക്കാരിനുള്ളത്.
Summary: Rahul Gandhi has demanded the resignation of Chief Election Commissioner Gyanesh Kumar over allegations of vote theft. The INDIA bloc plans to intensify protests in Delhi ahead of its November 1 rally at Ramlila Maidan. Six US lawmakers have also urged Secretary of State Marco Rubio to raise concerns over police action against protesters.
