ശ്വാസകോശ അർബുദ ശസ്ത്രക്രിയക്ക് ശേഷം പോപ്പ് ലിയോ പൊതുവേദിയിൽ: വിശ്വാസികൾക്ക് നന്ദിയറിയിച്ചു, ഔദ്യോഗിക ചുമതലകളിലേക്ക് തിരികെയെത്തുന്നു | Pope Leo

വത്തിക്കാൻ സിറ്റി: ശ്വാസകോശ അർബുദ ശസ്ത്രക്രിയക്ക് ശേഷം ആഗോള കത്തോലിക്കാ സഭയുടെ പരമാധ്യക്ഷൻ പോപ്പ് ലിയോ പതിനാലാമൻ ആദ്യമായി പൊതുവേദിയിലെത്തി. ശസ്ത്രക്രിയ കഴിഞ്ഞ് അഞ്ചാം നാൾ വത്തിക്കാനിലെ സെന്റ് പീറ്റേഴ്‌സ് ചത്വരത്തിൽ തടിച്ചുകൂടിയ പതിനായിരക്കണക്കിന് വിശ്വാസികളെ അദ്ദേഹം സെന്റ് പീറ്റേഴ്‌സ് അപ്പസ്തോലിക് കൊട്ടാരത്തിന്റെ ജനലിലൂടെ അഭിസംബോധന ചെയ്തു.(Pope Leo Makes First Public Appearance After Lung Cancer Surgery)

തന്റെ രോഗസൗഖ്യത്തിനായി പ്രാർത്ഥിച്ച ലോകമെമ്പാടുമുള്ള വിശ്വാസികൾക്ക് അദ്ദേഹം നന്ദി അറിയിച്ചു. ശസ്ത്രക്രിയയ്ക്ക് ശേഷമുള്ള ഗുരുതരാവസ്ഥ തരണം ചെയ്തതായും, ദൈവാശ്രയത്തോടെയും പ്രാർത്ഥനയോടെയും തന്റെ ദൈനംദിന ചുമതലകളിലേക്ക് ഘട്ടം ഘട്ടമായി തിരിച്ചെത്തുമെന്നും 71-കാരനായ മാർപ്പാപ്പ വ്യക്തമാക്കി.

2025 മേയിലാണ് പാപ്പാ ലീവ് മാർപ്പാപ്പ കത്തോലിക്കാ സഭയുടെ തലവനായി തിരഞ്ഞെടുക്കപ്പെട്ടത്. ചരിത്രത്തിലെ ആദ്യത്തെ യു.എസ് സ്വദേശിയായ മാർപ്പാപ്പയാണ് അദ്ദേഹം. ശ്വാസകോശ അർബുദത്തെ തുടർന്ന് ചൊവ്വാഴ്ച റോമിലെ ജെമെല്ലി ആശുപത്രിയിലാണ് അദ്ദേഹത്തിന്റെ വലതു ശ്വാസകോശത്തിന്റെ ഒരു ഭാഗം നീക്കം ചെയ്യുന്ന ശസ്ത്രക്രിയ നടത്തിയത്. ശനിയാഴ്ച അദ്ദേഹം ആശുപത്രി വിട്ടു.

വരും ദിവസങ്ങളിലെ പൊതുപരിപാടികൾക്ക് വത്തിക്കാൻ താൽക്കാലികമായി നിയന്ത്രണം ഏർപ്പെടുത്തിയിട്ടുണ്ടെങ്കിലും, ഒക്ടോബർ 21 ബുധനാഴ്ച നടക്കേണ്ട പൊതു കൂടിക്കാഴ്ചയിൽ അദ്ദേഹം പങ്കെടുത്തേക്കും. കൂടാതെ നവംബർ 6 മുതൽ 17 വരെ ഉറുഗ്വേ, അർജന്റീന, പെറു എന്നീ രാജ്യങ്ങളിലേക്ക് നിശ്ചയിച്ചിട്ടുള്ള യാത്രയിൽ മാറ്റമുണ്ടാകുമോ എന്ന് വ്യക്തമല്ല.

Story Summary

Pope Leo made his first public appearance at the Vatican after undergoing lung cancer surgery, promising to gradually resume his duties. Speaking to thousands of emotional pilgrims in St. Peters Square, the 71-year-old pontiff expressed gratitude for the prayers worldwide as he recovers from the operation.