ചുട്ട വെളുത്തുള്ളിയിൽ ഔഷധ ഗുണങ്ങളേറെ
Current: മലയാളം
ആരോഗ്യഗുണങ്ങള്‍ ഏറെയുള്ള ഒരു മികച്ച ഔഷധമാണ് ചുട്ട വെളുത്തുള്ളി.
• ദഹനം മെച്ചപ്പെടുത്തുന്നു: വെറുംവയറ്റില്‍ ചുട്ട വെളുത്തുള്ളി കഴിക്കുന്നത് ഗ്യാസ്, അസിഡിറ്റി, നെഞ്ചെരിച്ചില്‍ എന്നിവ കുറയ്ക്കാന്‍ സഹായിക്കുന്നു.
• പ്രതിരോധശേഷി: ഇതിലടങ്ങിയിരിക്കുന്ന അല്ലിസിൻ ശരീരത്തിന്റെ രോഗപ്രതിരോധ ശേഷി കൂട്ടാനും അണുബാധകളെ പ്രതിരോധിക്കാനും സഹായിക്കുന്നു.
• കൊളസ്ട്രോള്‍ നിയന്ത്രണം: ശരീരത്തിലെ ചീത്ത കൊളസ്ട്രോള്‍ കുറയ്ക്കാനും രക്തയോട്ടം സുഗമമാക്കാനും ഇത് നല്ലതാണ്.
• ശരീരഭാരം കുറയ്ക്കാൻ: അപചയപ്രക്രിയ ശക്തിപ്പെടുത്തി ശരീരത്തിലെ കൊഴുപ്പ് കളയാന്‍ സഹായിക്കുന്നതായി കരുതപ്പെടുന്നു.
തയ്യാറാക്കുന്ന വിധം
• ഒരു മുഴുവന്‍ വെളുത്തുള്ളിയുടെ പുറംതോല് ഭാഗികമായി നീക്കം ചെയ്യുക. മുകള്‍ഭാഗം അല്‍പ്പം മുറിച്ച് അല്ലികള്‍ തുറന്നുവരിക. ഇതിന് മുകളില്‍ അല്‍പ്പം ഒലീവ് ഓയിലോ വെളിച്ചെണ്ണയോ തളിക്കുക.
അലുമിനിയം ഫോയിലില്‍ പൊതിഞ്ഞ് ഓവനിലോ അല്ലെങ്കിൽ പാനിലോ വച്ച് 30 മുതല്‍ 40 മിനിറ്റ് വരെ ചുട്ടെടുക്കുക. നന്നായി സോഫ്റ്റ് ആയ ശേഷം അല്ലികള്‍ അമര്‍ത്തി പുറത്തെടുത്ത് ഉപയോഗിക്കാം.
