കനത്ത മഴയിൽ വെള്ളക്കെട്ടിലമർന്ന് പുതുച്ചേരി; ജനജീവിതം ദുസ്സഹമായതോടെ പുതുച്ചേരിയിലും കാരയ്ക്കലിലും സ്കൂളുകൾക്ക് അവധി പ്രഖ്യാപിച്ചു

പുതുച്ചേരി: പുതുച്ചേരിയിലും പ്രാന്തപ്രദേശങ്ങളിലും വ്യാഴാഴ്ച രാത്രിയിലുടനീളം ശക്തമായ മഴ തുടര്‍ന്നതിനെ തുടര്‍ന്ന് താഴ്ന്ന പ്രദേശങ്ങളില്‍ കനത്ത വെള്ളക്കെട്ട് രൂപപ്പെട്ടു. 

പ്രതികൂല കാലാവസ്ഥ കണക്കിലെടുത്ത് പുതുച്ചേരി, കാരയ്ക്കല്‍ മേഖലകളിലെ സര്‍ക്കാര്‍-സ്വകാര്യ സ്‌കൂളുകള്‍ക്ക് വിദ്യാഭ്യാസ മന്ത്രി എ. നമശ്ശിവായം വെള്ളിയാഴ്ച അവധി പ്രഖ്യാപിച്ചു. 

കഴിഞ്ഞ 24 മണിക്കൂറിനിടെ പുതുച്ചേരിയിലും സമീപപ്രദേശങ്ങളിലും 9.6 സെന്റീമീറ്റര്‍ മഴയും കാരയ്ക്കലില്‍ 4 സെന്റീമീറ്റര്‍ മഴയും രേഖപ്പെടുത്തിയതായി ഔദ്യോഗിക വൃത്തങ്ങള്‍ അറിയിച്ചു.