തമിഴ്‌നാടിന് പ്രത്യേക സംസ്ഥാന പതാക വേണം: ആവശ്യം വീണ്ടും ഉയർത്തി TVK മന്ത്രി; ‘വിഘടനവാദ മനോഭാവമെന്ന്’ BJP | TVK Demands Separate Flag
Current: മലയാളം
ചെന്നൈ: തമിഴ്‌നാടിനായി ദേശീയപതാകയ്ക്ക് തുല്യമായ പ്രത്യേക സംസ്ഥാന പതാക രൂപീകരിക്കണമെന്ന ആവശ്യവുമായി തമിഴക വെട്രി കഴകം (ടിവികെ) നേതാവും മന്ത്രിയുമായ ആധവ് അർജുന. എന്നാൽ, ഇത്തരം ആവശ്യങ്ങൾ സമൂഹത്തിൽ ‘വിഘടനവാദ മനോഭാവം’ വളർത്താൻ മാത്രമേ ഉപകരിക്കൂ എന്ന് ബിജെപി ശക്തമായി വിമർശിച്ചു.(TVK Demands Separate Flag For Tamil Nadu BJP Slams Separatist Mindset)
തമിഴ്‌നാടിനായി സ്വന്തമായി ഒരു പതാക നിർമ്മിക്കണമെന്നും മുഖ്യമന്ത്രി സി. ജോസഫ് വിജയ് ആയിരിക്കണം തമിഴ്‌നാടിന്റെ വികസനത്തിന്റെയും അഭിമാനത്തിന്റെയും പ്രതീകമായ ഈ പതാക ആദ്യമായി ഉയർത്തേണ്ടതെന്നും ആധവ് അർജുന പറഞ്ഞു. ജൂലൈ 18 തമിഴ്‌നാട് ദിനത്തിലും നവംബർ 1 ഭാഷാടിസ്ഥാനത്തിൽ സംസ്ഥാന അതിർത്തികൾ പുനഃസംഘടിപ്പിച്ച ദിനത്തിലും എല്ലാ വീടുകളിലും ഈ പതാക ഉയർത്തണമെന്നും അദ്ദേഹം ആവശ്യപ്പെട്ടു.
എന്നാൽ, ഇന്ത്യൻ ഭരണഘടനയിൽ സംസ്ഥാനങ്ങൾക്ക് മാത്രമായി പ്രത്യേക പതാക എന്ന ആശയത്തെക്കുറിച്ച് പരാമർശമില്ലെന്നും ദേശീയപതാകയ്ക്ക് മുകളിലോ ഒപ്പമോ മറ്റൊരു പതാകയും സ്ഥാപിക്കാൻ നിയമപരമായി അനുമതിയില്ലെന്നും കേന്ദ്ര ആഭ്യന്തര മന്ത്രാലയം വ്യക്തമാക്കിയിട്ടുണ്ട്. അർജുനയുടെ പ്രസ്താവനയ്ക്കെതിരെ രൂക്ഷമായ ഭാഷയിലാണ് ബിജെപി നേതാവ് വിനോജ് പി. സെൽവം പ്രതികരിച്ചത്. തമിഴ് സംസ്കാരത്തിനോ ഭാഷയ്ക്കോ തങ്ങളുടെ ഐഡന്റിറ്റി തെളിയിക്കാൻ പ്രത്യേക പതാകയുടെ ആവശ്യമില്ലെന്ന് അദ്ദേഹം ചൂണ്ടിക്കാട്ടി.
Story Summary
TVK leader and Tamil Nadu Minister Aadhav Arjuna has revived the decades-old demand for an official state flag for Tamil Nadu equal to the National Flag, drawing sharp criticism from the BJP, which labeled the move as fostering a “separatist mindset.”
