കേരളപ്പിറവി ദിനത്തിൽ അമ്മത്തൊട്ടിലിൽ രണ്ട് കുഞ്ഞുങ്ങൾ കൂടി; പേരുകൾ കേരവും പിറവും | Kerala Ammathottil

തിരുവനന്തപുരം: കേരളപ്പിറവി ദിനത്തിൽ സംസ്ഥാനത്തെ അമ്മത്തൊട്ടിലുകളിലേക്ക് രണ്ട് കുഞ്ഞുങ്ങൾ കൂടി എത്തി (Kerala Ammathottil). നവംബർ ഒന്നിന് തിരുവനന്തപുരത്തും കോഴിക്കോട്ടുമുള്ള അമ്മത്തൊട്ടിലുകളിലാണ് നവജാത ശിശുക്കളെ ലഭിച്ചത്. ഇരുവരും പൂർണ ആരോഗ്യവാന്മാരാണെന്ന് അധികൃതർ അറിയിച്ചു.

തിരുവനന്തപുരത്തെ അമ്മത്തൊട്ടിലിൽ രാത്രി 8.46ന് അലാറം മുഴങ്ങിയതിനെ തുടർന്ന് ജീവനക്കാർ നടത്തിയ പരിശോധനയിലാണ് മൂന്ന് ദിവസം മാത്രം പ്രായമുള്ള ആൺകുഞ്ഞിനെ കണ്ടെത്തിയത്. തുടർന്ന് കുഞ്ഞിനെ ആശുപത്രിയിലെത്തിച്ച് പരിശോധനകൾക്ക് വിധേയമാക്കി. കുഞ്ഞിന്റെ ആരോഗ്യനില തൃപ്തികരമാണ്.

ആദ്യത്തെ കുഞ്ഞിനെ ലഭിച്ച് ഏകദേശം ഒരു മണിക്കൂറിന് ശേഷം കോഴിക്കോട് ബീച്ച് ആശുപത്രിയോട് ചേർന്നുള്ള അമ്മത്തൊട്ടിലിൽ നിന്ന് രണ്ടാമത്തെ കുഞ്ഞിനെയും ലഭിച്ചു. പത്ത് ദിവസം പ്രായമുള്ള ആൺകുഞ്ഞും പൂർണ ആരോഗ്യവാനാണ്.

കുഞ്ഞുങ്ങൾക്ക് കേരവും പിറവും എന്ന് പേരിട്ടു

കേരളപ്പിറവി ദിനത്തിൽ ലഭിച്ച കുഞ്ഞുങ്ങൾക്ക് തിരുവനന്തപുരത്ത് ലഭിച്ച കുട്ടിക്ക് ‘കേരവ്’ എന്നും കോഴിക്കോട്ട് ലഭിച്ച കുട്ടിക്ക് ‘പിറവ്’ എന്നും പേരിട്ടു.

2002ൽ അമ്മത്തൊട്ടിൽ പദ്ധതി ആരംഭിച്ചതിന് ശേഷം ലഭിക്കുന്ന 1006-ാമത്തെയും 1007-ാമത്തെയും കുഞ്ഞുങ്ങളാണിവർ. തിരുവനന്തപുരത്തെ അമ്മത്തൊട്ടിലിൽ ലഭിക്കുന്ന 649-ാമത്തെ കുഞ്ഞാണ് കേരവ്. കോഴിക്കോട്ടെ അമ്മത്തൊട്ടിലിൽ ലഭിക്കുന്ന 14-ാമത്തെ കുഞ്ഞാണ് പിറവ്. കോഴിക്കോട്ട് ഇതുവരെ ലഭിച്ച 14 കുഞ്ഞുങ്ങളിൽ എട്ടുപേരും പെൺകുട്ടികളാണ്.

ദത്തെടുക്കൽ നടപടികൾ ആരംഭിക്കും

ഇരുകുഞ്ഞുങ്ങളുടെയും ദത്തെടുക്കൽ നടപടിക്രമങ്ങൾ ആരംഭിക്കേണ്ടതിനാൽ, കുട്ടികളുടെ അവകാശികളാരെങ്കിലുമുണ്ടെങ്കിൽ എത്രയും വേഗം സമിതി അധികൃതരുമായി ബന്ധപ്പെടണമെന്ന് ജനറൽ സെക്രട്ടറി അറിയിച്ചു.

Story Summary:
Two more newborn boys were received at Kerala’s Ammathottil centres on November 1, Kerala Formation Day. A three-day-old baby was found in Thiruvananthapuram and a ten-day-old baby at the centre near Kozhikode Beach Hospital. Both are reported to be healthy. They have been named Kerav and Pirav, respectively. These are the 1,006th and 1,007th babies received under the Ammathottil scheme since its launch in 2002.