ഇരിങ്ങാലക്കുട : ചേലൂർക്കാവ് റസിഡൻ്റ്സ് അസോസിയേഷന്റെ 13-ാമത് വാർഷിക പൊതുയോഗം കൗൺസിലർ കെ.എസ്. പ്രസാദ് ഉദ്ഘാടനം ചെയ്തു.
പ്രസിഡൻ്റ് ശശി വെട്ടത്ത് അധ്യക്ഷത വഹിച്ചു.
മുൻ മുനിസിപ്പൽ ഹെൽത്ത് സൂപ്രണ്ട് പി.ആർ. സ്റ്റാൻലി മുഖ്യാതിഥിയായിരുന്നു.
പ്ലാസ്റ്റിക്കിന്റെ ദുരുപയോഗം ഇല്ലാതാക്കുന്നതിന് 2017ൽ അസോസിയേഷന്റെ നേതൃത്വത്തിൽ അംഗങ്ങളുടെ വീടുകളിൽ നിന്നും പ്ലാസ്റ്റിക്ക് സ്വരൂപിച്ച പരിപാടി ഏറെ പ്രശംസനീയമായിരുന്നു എന്നും വീടും പരിസരവും വൃത്തിയായി സൂക്ഷിക്കുന്നവർക്കും വീടുകളിൽ പച്ചക്കറി കൃഷി നടത്തുന്നവർക്കും വരുംകാലങ്ങളിൽ സമ്മാനങ്ങൾ ഏർപ്പെടുത്തണമെന്നും സ്റ്റാൻലി പറഞ്ഞു.
പീറ്റ് സൺ, ഭാഗ്യരാജ്, മധു ഗോപാലൻ, വി.എൻ. മുരളി, ഷാജി ചേലൂർ എന്നിവർ പ്രസംഗിച്ചു.
സെക്രട്ടറി ശ്യാമള ജനാർദ്ദനൻ സ്വാഗതവും രഘു കരുമാന്ത്ര നന്ദിയും പറഞ്ഞു.
തുടർന്ന് കുട്ടികൾ അവതരിപ്പിച്ച വിവിധ കലാപരിപാടികൾ അരങ്ങേറി.
