ഇരിങ്ങാലക്കുട : എടക്കുളം സെൻ്റ് സെബാസ്റ്റ്യൻസ് ദൈവാലയത്തിൽ വിശുദ്ധ സെബസ്ത്യാനോസിന്റെ അമ്പു തിരുനാൾ ഫെബ്രുവരി 1ന് അരങ്ങേറും.
തിരുനാൾ കൊടിയേറ്റം ബിഷപ്പ് മാർ പോളി കണ്ണൂക്കാടൻ നിർവഹിച്ചു.
തിരുനാൾ ദിനമായ ഫെബ്രുവരി 1ന് നടക്കുന്ന ആഘോഷമായ തിരുനാൾ പാട്ട് കുർബാനയ്ക്ക് റവ. ഫാ. സിബിൻ വാഴപ്പിള്ളി മുഖ്യകാർമികത്വം വഹിക്കും.
ഫാ. ജെയ്സൺ വടക്കുംഞ്ചേരി സന്ദേശം നൽകും.
വൈകീട്ട് 4.30ന് ആരംഭിക്കുന്ന തിരുനാൾ പ്രദക്ഷിണം ദേവാലയത്തിൽ നിന്ന് ആദ്യം തെക്കേ കപ്പേളയിലേക്കും തുടർന്ന് വടക്കേ കപ്പേളയിലേക്കും പോയി 7 മണിക്ക് പള്ളിയിൽ സമാപിക്കും.
7.45ന് ന്യൂക്ലിയർ മ്യൂസിക് ബാൻഡ് അവതരിപ്പിക്കുന്ന ഫ്യൂഷൻ പ്രോഗ്രാമും തുടർന്ന് മഴവിൽ മനോരമ ആർട്ടിസ്റ്റ് അവതരിപ്പിക്കുന്ന മാജിക് ഡാൻസും അരങ്ങേറും.
