ബയോ ഫാര്‍മയ്ക്ക് 10000 കോടി രൂപ! ആരോഗ്യ-ഔഷധ മേഖലയിൽ വമ്പൻ പ്രഖ്യാപനം

രാജ്യത്തെ ആരോഗ്യ-ഔഷധ മേഖലയിൽ വൻ വിപ്ലവം ലക്ഷ്യമിട്ട് “ബയോഫാർമ ശക്തി”എന്ന ബൃഹത്തായ പദ്ധതി കേന്ദ്ര ബജറ്റിൽ ധനമന്ത്രി നിർമ്മല സീതാരാമൻ പ്രഖ്യാപിച്ചു. മാറിക്കൊണ്ടിരിക്കുന്ന രോഗാവസ്ഥകളെ നേരിടാനും ഇന്ത്യയെ ലോകത്തിന്റെ ഔഷധ നിർമ്മാണ കേന്ദ്രമാക്കി മാറ്റാനുമായി 10,000 കോടി രൂപയാണ് ഈ പദ്ധതിക്കായി വകയിരുത്തിയിരിക്കുന്നത്.

പ്രമേഹം, കാൻസർ, ഓട്ടോഇമ്മ്യൂൺ വൈകല്യങ്ങൾ തുടങ്ങിയ സാംക്രമികേതര രോഗങ്ങൾ വർദ്ധിച്ചുവരുന്നത് കണക്കിലെടുത്താണ് ഈ പുതിയ നീക്കം. ബയോളജിക്‌സുകളുടെയും ബയോസിമിലറുകളുടെയും വികസനത്തിനായി അടുത്ത അഞ്ച് വർഷത്തിനുള്ളിൽ ഒരു സമ്പൂർണ്ണ ആവാസവ്യവസ്ഥ കെട്ടിപ്പടുക്കുക എന്നതാണ് പദ്ധതിയുടെ പ്രധാന ലക്ഷ്യം. വിട്ടുമാറാത്തതും സങ്കീർണ്ണവുമായ രോഗങ്ങൾ ചികിത്സിക്കുന്നതിൽ ഈ മേഖലകൾ ഏറെ നിർണ്ണായകമാണ്.

Also Read: എഐ കരുത്തിൽ കുതിക്കാൻ ഇന്ത്യ; ആയുർവേദത്തിനും മെഡിക്കൽ ടൂറിസത്തിനും വമ്പൻ പ്രഖ്യാപനങ്ങൾ

ഗവേഷണ ശേഷി വർദ്ധിപ്പിക്കുക, ക്ലിനിക്കൽ ട്രയലുകൾക്കായി മികച്ച അടിസ്ഥാന സൗകര്യങ്ങൾ ഒരുക്കുക, നൈപുണ്യമുള്ള മനുഷ്യശക്തിയെ വാർത്തെടുക്കുക എന്നിവയിലൂടെ അന്താരാഷ്ട്ര തലത്തിൽ ഇന്ത്യയെ ഒരു ബയോഫാർമ ഹബ്ബാക്കി മാറ്റാനാണ് സർക്കാർ ലക്ഷ്യമിടുന്നത്. സാധാരണക്കാർക്ക് അത്യാധുനിക ചികിത്സകൾ കുറഞ്ഞ ചെലവിൽ ലഭ്യമാക്കാൻ ഈ പദ്ധതി വഴിതുറക്കുമെന്ന് ധനമന്ത്രി പ്രസംഗത്തിൽ അടിവരയിട്ടു.

The post ബയോ ഫാര്‍മയ്ക്ക് 10000 കോടി രൂപ! ആരോഗ്യ-ഔഷധ മേഖലയിൽ വമ്പൻ പ്രഖ്യാപനം appeared first on Express Kerala.