loader image
സഭയിൽ പോർവിളി; ‘സ്പീക്കറെ തെരുവിലിട്ട് അലക്കരുത്’ എന്ന് എ.എൻ ഷംസീർ

സഭയിൽ പോർവിളി; ‘സ്പീക്കറെ തെരുവിലിട്ട് അലക്കരുത്’ എന്ന് എ.എൻ ഷംസീർ

നിയമസഭയിൽ സ്പീക്കറുടെ ഡയസിലേക്ക് കയറി പ്രതിപക്ഷം നടത്തിയ പ്രതിഷേധത്തെ രൂക്ഷമായ ഭാഷയിൽ വിമർശിച്ച് സ്പീക്കർ എ.എൻ ഷംസീർ. താൻ ആകാശത്ത് നിന്ന് കെട്ടിയിറങ്ങി സ്പീക്കറായതല്ലെന്നും ഡയസിലേക്ക് കയറിയുള്ള പ്രതിഷേധം ജനാധിപത്യത്തിന് ചേർന്നതല്ലെന്നും അദ്ദേഹം പറഞ്ഞു. പോലീസ് ബാരിക്കേഡ് ചാടിക്കടക്കുന്നത് പോലെയുള്ള പ്രവൃത്തികളാണ് സഭയ്ക്കുള്ളിൽ കണ്ടതെന്നും ഇതിനെ ഒരുകാലത്തും അംഗീകരിക്കാനാവില്ലെന്നും സ്പീക്കർ വ്യക്തമാക്കി.

ബഹളത്തിൽ മുങ്ങി സഭാനടപടികൾ

ശബരിമലയിലെ സ്വർണക്കൊള്ളയുമായി ബന്ധപ്പെട്ട ആരോപണങ്ങളാണ് സഭയെ സംഘർഷഭരിതമാക്കിയത്. ഇന്നലെ സഭാനടപടികൾക്കിടെ എം.എൽ.എമാരായ അൻവർ സാദത്തും മാത്യു കുഴൽനാടനും സ്പീക്കറുടെ ഡയസിലേക്ക് കയറി പ്രതിഷേധിച്ചിരുന്നു. സ്പീക്കറുടെ മുഖത്തിന് നേരെ ബാനറുകൾ ഉയർത്തുകയും ഭരണ-പ്രതിപക്ഷ അംഗങ്ങൾ മുഖാമുഖം നിന്ന് മുദ്രാവാക്യം വിളിക്കുകയും ചെയ്തതോടെ സഭ സ്തംഭിച്ചു. ശബരിമല വിഷയം ചർച്ച ചെയ്യാൻ സർക്കാരിന് മടിയില്ലെന്നും സ്വർണക്കൊള്ളയിൽ ഭരണപക്ഷം ചർച്ചയ്ക്ക് തയ്യാറായിട്ടും പ്രതിപക്ഷം അതിൽ നിന്ന് ഒളിച്ചോടുകയാണെന്നും സ്പീക്കർ കുറ്റപ്പെടുത്തി.

Also Read: അന്വേഷണം അട്ടിമറിക്കുന്നു, പ്രതികളെ സംരക്ഷിക്കാൻ മുഖ്യമന്ത്രിയുടെ ഓഫീസ് ഇടപെടുന്നു: വി.ഡി. സതീശൻ

See also  അമേരിക്ക-ഇസ്രയേൽ ആക്രമണം; ഇറാനിൽ മരണം 555 കടന്നു

പ്രതിഷേധം ശക്തമാക്കി യു.ഡി.എഫ്

നിയമസഭയ്ക്ക് അകത്തും പുറത്തും പ്രതിഷേധം കടുപ്പിക്കുകയാണ് പ്രതിപക്ഷം. ‘അയ്യപ്പന്റെ സ്വർണം കട്ടവർ അമ്പലം വിഴുങ്ങികൾ’ എന്ന ബാനറുമായാണ് ഇന്ന് പ്രതിപക്ഷ അംഗങ്ങൾ സഭയിലെത്തിയത്. മുൻ ദേവസ്വം മന്ത്രി കടകംപള്ളി സുരേന്ദ്രനെതിരെ പ്ലക്കാർഡുകൾ ഉയർത്തിയും മുദ്രാവാക്യം വിളിച്ചും പ്രതിപക്ഷം പ്രതിഷേധം തുടർന്നു. സ്പീക്കർ ഡയസിൽ നിന്ന് എഴുന്നേറ്റു പോകുന്ന തരത്തിലേക്ക് പ്രതിഷേധം കനത്തതോടെ സഭാനടപടികൾ ഇന്നും തടസ്സപ്പെട്ടു.

The post സഭയിൽ പോർവിളി; ‘സ്പീക്കറെ തെരുവിലിട്ട് അലക്കരുത്’ എന്ന് എ.എൻ ഷംസീർ appeared first on Express Kerala.

Spread the love

New Report

Close