കരുവന്നൂർ സർവീസ് സഹകരണ ബാങ്ക് തെരഞ്ഞെടുപ്പ് : നാമനിർദ്ദേശപത്രിക സമർപ്പിച്ച് എൻഡിഎ പാനൽ

ഇരിങ്ങാലക്കുട : കരുവന്നൂർ സർവ്വീസ് സഹകരണ ബാങ്ക് തെരഞ്ഞെടുപ്പിനായുള്ള എൻഡിഎ പാനൽ നാമനിർദ്ദേശപത്രിക സമർപ്പിച്ചു. ഫെബ്രുവരി 22നാണ് തെരഞ്ഞെടുപ്പ്.

ബിജെപി മണ്ഡലം സെക്രട്ടറിയും നഗരസഭ കൗൺസിലറുമായ ടി.കെ. ഷാജു, കർഷകമോർച്ച ജില്ല വൈസ് പ്രസിഡൻ്റ് ചന്ദ്രൻ അമ്പാട്ട്, മഹിളാമോർച്ച ജില്ല ജനറൽ സെക്രട്ടറി സിന്ധു സതീഷ്, മഹിളാമോർച്ച മണ്ഡലം ജനറൽ സെക്രട്ടറിയും നഗരസഭ കൗൺസിലറുമായ വിജയകുമാരി അനിലൻ, കർഷകമോർച്ച മണ്ഡലം ജനറൽ സെക്രട്ടറി സുഷിതാംബരൻ, ബാബു കോലോത്ത്, രമിത് സുബ്രഹ്മണ്യൻ, കെ.സി. ബാബു, നന്ദനൻ, ഗോപാലൻ, സി.വി. നിധീഷ്, എം.എസ്. രഞ്ജിത്ത് എന്നിവരാണ് എൻഡിഎയുടെ മത്സരാർത്ഥികൾ.

ബിജെപി സൗത്ത് ജില്ല ജനറൽ സെക്രട്ടറിയും നിയോജക മണ്ഡലം ഇൻചാർജുമായ കൃപേഷ് ചെമ്മണ്ട, ജില്ല ജനറൽ സെക്രട്ടറി കെ.പി. ഉണ്ണികൃഷ്ണൻ, ജില്ല വൈസ് പ്രസിഡൻ്റ് പി.എസ്. അനിൽകുമാർ, ജില്ല സെക്രട്ടറി ശ്യാംജി മാടത്തിങ്കൽ, മണ്ഡലം പ്രഭാരി അഖിലാഷ് വിശ്വനാഥൻ, മണ്ഡലം പ്രസിഡൻ്റ് ആർച്ച അനീഷ്, മണ്ഡലം ജനറൽ സെക്രട്ടറിമാരായ ഷൈജു കുറ്റിക്കാട്ട്, വി.സി. രമേഷ്, ഒബിസി മോർച്ച ജില്ല ജനറൽ സെക്രട്ടറി ടി.ഡി. സത്യദേവ്, പൊറത്തിശ്ശേരി ഏരിയ പ്രസിഡൻ്റ് സൂരജ് കടുങ്ങാടൻ, ജനറൽ സെക്രട്ടറി സൂരജ് നമ്പ്യാങ്കാവ്, വൈസ് പ്രസിഡൻ്റ് സന്തോഷ് കോഞ്ചാത്ത് എന്നിവർ നേതൃത്വം നൽകി.