ഇരിങ്ങാലക്കുട : റോട്ടറി സെൻട്രൽ ക്ലബ്ബ് മാപ്രാണം ഹോളിക്രോസ്സ്
ഹൈസ്കൂളിലെ മുഴുവൻ
വിദ്യാർഥികൾക്കും മെഡിക്കൽ ആക്സിഡന്റ് ഇൻഷുറൻസ് സുരക്ഷ പദ്ധതി നടപ്പിലാക്കി.
സ്കൂളിൽ വച്ച് നടന്ന ചടങ്ങിൽ റോട്ടറി ഡിസ്ട്രിക്റ്റ് ഗവർണർ ഡോ. ജി.എൻ. രമേഷും റോട്ടറി സെൻട്രൽ ക്ലബ്ബ് പ്രസിഡന്റ് ബിജോയ് വിശ്വനാഥും ചേർന്ന് സ്കൂൾ മാനേജർ ഫാ. ജോണി മേനാച്ചേരിക്കും പ്രധാന അധ്യാപിക സി.ജെ. മഞ്ജുവിനും ഇൻഷുറൻസ് രേഖകൾ കൈമാറി.
റോട്ടറി ഡയറക്ടർ കെ.ടി. ഹരികുമാറാണ് ഓരോ വിദ്യാർഥിക്കും ഒരു ലക്ഷം രൂപയുടെ ആനുകൂല്യം ലഭിക്കുന്ന പദ്ധതി സ്പോൺസർ ചെയ്തത്.
ചടങ്ങിൽ അസിസ്റ്റന്റ് ഗവർണർ അനൂപ് ചന്ദ്രൻ, റൊട്ടേറിയൻ എം.എസ്. ദിലീപ്, ക്ലബ് ഡയറക്ടർമാരായ ടി.പി. സെബാസ്റ്റ്യൻ, പി.ടി. ജോർജ്ജ്, എം.കെ. മോഹനൻ, ഡേവിസ് കരപ്പറമ്പിൽ, കെ.വി. ജോൺ, ജോഷി പോൾ കൂനൻ എന്നിവർ പ്രസംഗിച്ചു.
