വയനാട്: വയനാട് എരിയപ്പള്ളിയിൽ തനിച്ച് താമസിച്ചിരുന്ന വയോധികനെ വീടിനുള്ളിൽ പൊള്ളലേറ്റ് മരിച്ച നിലയിൽ കണ്ടെത്തി. ഗാന്ധി നഗർ ഉന്നതിയിലെ വാടകവീട്ടിൽ താമസിക്കുന്ന മുരാശ വള്ളി (68) ആണ് മരിച്ചത്. ചൊവ്വാഴ്ച വൈകുന്നേരത്തോടെ അയൽവാസികളാണ് മൃതദേഹം ആദ്യം കണ്ടത്. രണ്ടു വർഷം മുൻപ് ഭാര്യ ജയമ്മ മരിച്ചതിനെ തുടർന്ന് ഇദ്ദേഹം തനിച്ചായിരുന്നു താമസം. ദീർഘകാലമായി കേരളത്തിലാണെങ്കിലും ഇദ്ദേഹം ഇതര സംസ്ഥാനക്കാരനാണെന്നാണ് സൂചന. പുൽപ്പള്ളി പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. മരണത്തിൽ കൂടുതൽ വ്യക്തത വരുത്തുന്നതിനായി മൃതദേഹം സുൽത്താൻ ബത്തേരി താലൂക്ക് ഹെഡ്ക്വാർട്ടേഴ്സ് ആശുപത്രിയിലേക്ക് പോസ്റ്റ്മോർട്ടത്തിനായി മാറ്റിയിട്ടുണ്ട്.
The post വയനാട്ടിൽ വയോധികൻ വീടിനുള്ളിൽ പൊള്ളലേറ്റ് മരിച്ച നിലയിൽ appeared first on Express Kerala.