യുണിയൻ കോപ്പും ലിവ് ബാങ്കും കൈകോർക്കുന്നു; പുതിയ കോ-ബ്രാൻഡഡ് ക്രെഡിറ്റ് കാർഡുകൾ പുറത്തിറക്കി

യുഎഇയിലെ പ്രമുഖ സഹകരണ പ്രസ്ഥാനമായ യൂണിയൻ കോപ്പും പ്രമുഖ ഡിജിറ്റൽ ബാങ്കായ ലിവ് ബാങ്കും ചേർന്ന് മാസ്റ്റർകാർഡിന്റെ സഹകരണത്തോടെ പുതിയ ക്രെഡിറ്റ് കാർഡുകൾ വിപണിയിലിറക്കി. ഉപയോക്താക്കൾക്ക് ഷോപ്പിംഗിലും മറ്റും കൂടുതൽ ലാഭവും ആനുകൂല്യങ്ങളും ഉറപ്പാക്കുകയാണ് ഈ പങ്കാളിത്തത്തിന്റെ ലക്ഷ്യം.

രണ്ട് തരത്തിലുള്ള കാർഡുകളാണ് അവതരിപ്പിച്ചിരിക്കുന്നത്

ലിവ് തമയസ് മാസ്റ്റർകാർഡ് പ്ലാറ്റിനം

ലിവ് തമയസ് മാസ്റ്റർകാർഡ് വേൾഡ്

ലഭിക്കുന്ന പ്രധാന ആനുകൂല്യങ്ങൾ

ക്യാഷ്ബാക്ക്: യൂണിയൻ കോപ് സ്റ്റോറുകളിലും ഓൺലൈനിലും നടത്തുന്ന പർച്ചേസുകൾക്ക് 10% വരെ ക്യാഷ്ബാക്ക്.

മറ്റ് റിവാർഡുകൾ: അന്താരാഷ്ട്ര ഷോപ്പിംഗിന് 3% വരെയും, ഇന്ധനം, ഡൈനിംഗ് എന്നിവയ്ക്ക് 2% വരെയും ക്യാഷ്ബാക്ക് ലഭിക്കും. ഇത് തമയസ് പോയിന്റുകളായാണ് ഉപയോക്താക്കൾക്ക് ലഭിക്കുക.

Also Read: ഒമാനിൽ ലുലുവിന്റെ ജൈത്രയാത്ര തുടരുന്നു; 33-ാമത്തെ ഹൈപ്പർമാർക്കറ്റ് അൽ ഖുറമിൽ തുറന്നു

വെൽക്കം ബോണസ്: വേൾഡ് ക്രെഡിറ്റ് കാർഡ് എടുക്കുന്നവർക്ക് 1000 ദിർഹം വെൽക്കം ബോണസായി ലഭിക്കും.

അധിക ആനുകൂല്യങ്ങൾ: വോക്സ് സിനിമാ ടിക്കറ്റുകൾ, എയർപോർട്ട് ലോഞ്ച് ആക്സസ്, ഫുഡ് & ബിവറേജസ് ഡിസ്കൗണ്ടുകൾ, പ്രീമിയം കോഫി ഓഫറുകൾ എന്നിവയും ഇതിലൂടെ ആസ്വദിക്കാം.

ഉപയോക്താക്കളുടെ ദൈനംദിന ജീവിതത്തിന്റെ ഭാഗമാകാനും അവർക്ക് ഡിജിറ്റൽ ഷോപ്പിംഗിൽ മികച്ച അനുഭവം നൽകാനും ഈ നീക്കം സഹായിക്കുമെന്ന് എമിറേറ്റ്സ് എൻ.ബി.ഡി ഭാരവാഹികളായ മർവാൻ ഹാദിയും രോഹിത് ഗാർഗും വ്യക്തമാക്കി. തങ്ങളുടെ ഉപഭോക്താക്കൾക്ക് കൂടുതൽ മൂല്യം നൽകുന്ന പദ്ധതിയാണിതെന്ന് യൂണിയൻ കോപ് സി.ഇ.ഒ മുഹമ്മദ് അൽ ഹഷെമി അഭിപ്രായപ്പെട്ടു. സുരക്ഷിതവും ലാഭകരവുമായ പർച്ചേസിംഗ് അനുഭവം ഉറപ്പാക്കുമെന്ന് മാസ്റ്റർകാർഡ് ഡിവിഷൻ പ്രസിഡന്റ് ജെ.കെ ഖലീലും കൂട്ടിച്ചേർത്തു. യൂണിയൻ കോപ് യു.എ.ഇയിലെ ഏറ്റവും വലിയ സഹകരണ പ്രസ്ഥാനമാണ്. 2025-ൽ ആരംഭിച്ച ലോയൽറ്റി പ്രോ​ഗ്രാമാണ് തമയസ് ഡിജിറ്റൽ ലോയൽറ്റി പ്ലാറ്റ്ഫോം.

The post യുണിയൻ കോപ്പും ലിവ് ബാങ്കും കൈകോർക്കുന്നു; പുതിയ കോ-ബ്രാൻഡഡ് ക്രെഡിറ്റ് കാർഡുകൾ പുറത്തിറക്കി appeared first on Express Kerala.