ഒരേ ടേസ്റ്റ് കഴിച്ച് മടുത്തോ? ചിക്കൻ ഇനി ഗ്രീൻ മസാലയിൽ പരീക്ഷിക്കാം

ചിക്കൻ കറി എന്നും ഒരേ രീതിയിൽ തന്നെ തയ്യാറാക്കി മടുത്തവർക്ക് പരീക്ഷിക്കാവുന്ന രുചികരമായ ഒരു വിഭവമാണ് ‘ഗ്രീൻ ചിക്കൻ’. സാധാരണ മസാലകൾക്ക് പകരം മല്ലിയില, പുതിനയില, പച്ചമുളക് എന്നിവ ചേർത്ത് തയ്യാറാക്കുന്ന ഈ ഗ്രീൻ പേസ്റ്റ് ചിക്കന് ഒരു പ്രത്യേക സുഗന്ധവും വേറിട്ട രുചിയും നൽകുന്നു….

സാധനങ്ങൾ‌‌

ചിക്കൻ :‍ 1 കിലോ
ഇഞ്ചി ചെറുതായി അരിഞ്ഞത് :‍ 1 ടേബിൾ സ്പൂൺ
വെളുത്തുള്ളി ചെറുതായി അറിഞ്ഞത് : 1 ടേബിൾ സ്പൂൺ
പട്ട : 1 കഷ്ണം
ഏലക്ക : 4 എണ്ണം
ഗ്രാമ്പൂ : 3 എണ്ണം
തക്കോലം : 1 പൂവ്
പച്ചമുളക് : ആവശ്യത്തിന്
മല്ലിപ്പൊടി : 2 ടേബിൾ സ്പൂൺ
മഞ്ഞൾ പൊടി 1/2 ടീസ് സ്പൂൺ
മല്ലിയില : രണ്ടു പിടി
പുതിന : 1/2 പിടി
കസ്തൂരി മേത്തി : ഒരു ടേബിൾ സ്പൂൺ
തൈര് അധികം പുളിക്കാത്തത്: 2 കപ്പ്
സവാള: 2 എണ്ണം
അണ്ടിപ്പരിപ്പ് : 10 എണ്ണം
വെളുത്ത എള്ള് : ഒരു ടീസ് സ്പൂൺ
എണ്ണ : ആവശ്യത്തിന്

തയ്യാറാക്കുന്ന വിധം

ആദ്യം തന്നെ ചിക്കൻ ഉപ്പും മഞ്ഞൾപ്പൊടിയും ചേർത്ത് മുക്കാൽ ഭാഗം വേവിച്ചു മാറ്റി വക്കുക. അണ്ടിപ്പരിപ്പും എള്ളും വെള്ളത്തിൽ കുതിർത്ത് മിക്സിയിൽ നന്നായി അരച്ച് വെയ്ക്കുക. എടുത്ത് വെച്ചിരിക്കുന്ന പട്ട, ഏലക്ക, ഗ്രാമ്പൂ, തക്കോലം, പച്ചമുളക്, മല്ലിപ്പൊടി, മഞ്ഞൾ പൊടി, മല്ലിയില, പുതിന, കസ്തൂരി മേത്തി, തൈര്, സവാള എന്നിവ മിക്സിയിൽ അരച്ചെടുക്കുക. ശേഷം ഒരു പാൻ ചൂടാകുമ്പോൾ എണ്ണ ഒഴിച്ച് ഇഞ്ചിയും വെളുത്തുള്ളിയും ഗോൾഡൻ ബ്രൗൺ ആകുന്നതു വരെ വഴറ്റുക. ശേഷം വേവിച്ചു വച്ച ചിക്കൻ ചേർത്ത് അഞ്ചു മിനിറ്റ് ചെറിയ തീയിൽ വഴറ്റുക. ശേഷം അരച്ച് വച്ച ഗ്രീൻ മസാലയും ഉപ്പും ചേർത്ത് മീഡിയം തീയിൽ അടച്ച് വെച്ച് 15 മിനുട്ട് വേവിക്കുക. ശേഷം അണ്ടിപ്പരിപ്പും എള്ളും ചേർത്തരച്ച പേസ്റ്റ് ചേർത്ത് രണ്ടു മിനിറ്റ് കഴിഞ്ഞു വാങ്ങാവുന്നതാണ്.

The post ഒരേ ടേസ്റ്റ് കഴിച്ച് മടുത്തോ? ചിക്കൻ ഇനി ഗ്രീൻ മസാലയിൽ പരീക്ഷിക്കാം appeared first on Express Kerala.