കൊല്ലം പുനലൂരിൽ കാട്ടുപന്നിയുടെ ആക്രമണത്തിൽ തോട്ടം തൊഴിലാളിക്ക് ജീവൻ നഷ്ടമായി. ചാലിയക്കര ഉപ്പുക്കുഴി എസ്റ്റേറ്റിലെ തൊഴിലാളിയായ രഘുനാഥൻ ആണ് മരിച്ചത്. വെള്ളിയാഴ്ച രാവിലെ പതിനൊന്ന് മണിയോടെ ജോലി സ്ഥലത്തുനിന്നും മടങ്ങുന്നതിനിടെയാണ് രഘുനാഥനെ കാട്ടുപന്നി ആക്രമിച്ചത്. ആക്രമണത്തിൽ ഗുരുതരമായി പരിക്കേറ്റ അദ്ദേഹത്തെ ഉടൻ തന്നെ പുനലൂർ താലൂക്ക് ആശുപത്രിയിൽ എത്തിച്ചെങ്കിലും ചികിത്സയിലിരിക്കെ മരണം സംഭവിക്കുകയായിരുന്നു. മൃതദേഹം പോസ്റ്റ്മോർട്ടം നടപടികൾ പൂർത്തിയാക്കിയ ശേഷം ബന്ധുക്കൾക്ക് വിട്ടുനൽകും. വന്യജീവി ശല്യം രൂക്ഷമായ പ്രദേശത്ത് നടന്ന ഈ സംഭവം തോട്ടം തൊഴിലാളികൾക്കിടയിൽ വലിയ ആശങ്കയ്ക്ക് കാരണമായിട്ടുണ്ട്.
The post പുനലൂരിൽ കാട്ടുപന്നി ആക്രമണം! തോട്ടം തൊഴിലാളിക്ക് ദാരുണാന്ത്യം appeared first on Express Kerala.