മുഖ്യമന്ത്രിയിൽ നിന്നും മികച്ച കർഷകനുള്ള പുരസ്കാരം ഏറ്റുവാങ്ങിയ കണ്ണൂർ ചെറുപുഴ സ്വദേശി ഏലിയാസ് അമ്പാട്ട് സാമ്പത്തിക പ്രതിസന്ധിയെത്തുടർന്ന് ജീവനൊടുക്കി. പാട്ടത്തിന് ഭൂമിയെടുത്തു കൃഷി ചെയ്തിരുന്ന അദ്ദേഹം, വിളകൾക്ക് അർഹമായ വില ലഭിക്കാത്തതിനാലും കടബാധ്യതകൾ വർധിച്ചതിനാലും വലിയ മാനസിക വിഷമത്തിലായിരുന്നു. കീടനാശിനി കഴിച്ച് ചികിത്സയിലായിരുന്ന ഏലിയാസ് ഇന്ന് രാവിലെയാണ് മരണത്തിന് കീഴടങ്ങിയത്.
കൃഷിയിൽ വലിയ നേട്ടങ്ങൾ കൈവരിച്ചിട്ടും സർക്കാർ ആനുകൂല്യങ്ങൾ സമയബന്ധിതമായി ലഭിക്കാത്തതിൽ അദ്ദേഹം മുൻപ് പരാതിപ്പെട്ടിരുന്നതായി ബന്ധുക്കളും നാട്ടുകാരും സൂചിപ്പിക്കുന്നു. കഠിനാധ്വാനിയായ ഒരു കർഷകന് പോലും നിലനിൽക്കാൻ കഴിയാത്ത വിധം കാർഷിക മേഖലയിലെ പ്രതിസന്ധി രൂക്ഷമാണെന്നതിന്റെ തെളിവാണ് ഈ വിയോഗം.
The post കാർഷിക മേഖലയിലെ പ്രതിസന്ധി തുടരുന്നു! കണ്ണൂരിൽ കർഷകൻ ആത്മഹത്യ ചെയ്തു appeared first on Express Kerala.